Sentru Integradu Jestaun Krize

dra. Odete da Silva Viegas, portavoz SIJK ko'alia ba Jornalista sira iha CCD (10/5)

SIJK Rekolla Amostra 186 iha Loron 3, Aban sei Kontinua

May 10, 2020

Tempotimor (Dili)-Ekipa Sentru Integradu ba Jestaun Krize (SIJK) hamutuk ho Ministeriu Saude hahú hasai amostra ba Timor-oan sira iha teritoriu nasional hodi halo prevensaun ba transmisaun lokal surtu Covid-19 iha Timor-Leste.

Iha triajen ne'ebé hala'o durante loron tolu, hahú husi 5 Maiu to'o 8 Maiu 2020 ne'e, rekolla amostra hamutuk 186.

VIDEO PUBLISIDADE APELU HUSI PM TAUR APLAUS BA FRONT LINE

"Hakarak agradese ba maluk sira ne'ebé koopera tiha ona ho ekipa sira ne'ebé iha terenu hahú husi loron 5 Maiu to'o loron 8 Maiu, ne'ebé mak rekolla ona totál kazu ka amostra 186," dehan Portavoz SIJK Odete da Silva Viegas iha sala situasaun, Sentru Konvensaun Dili, Domingu (10/05).

Odete dehan, hafoin rekolla amostra, ekipa mediku halo ona teste ba amostra balun.

"Rezultadu balun iha ona, maibé balun seidauk, depois sira ne'ebé rezultadu iha ona ne'e laboratóriu hatudu katak negativu," nia dehan.

PUBLISIDADE

Iha biban ne'e, Odete husu ba sidadaun sira, liu-liu familia ne'ebé nia membru balun tama kuarentena ka izolamentu atu kontinua koopera.

"Husu ba ita hotu, inan-aman, familia sira ne'ebé sira-nia oan ka parentes tama iha prosesu kuarentena ne'ebé liu ba ne'e ka sira ne'ebé submete ba izolamentu, atu nafatin koopera, nune'e ita hamutuk bele deteta no prevene kazu Covid-19 iha ita-nia rai," nia dehan.

PUBLISIDADE

Entretantu, tuir planu, ekipa SIJK no MS sei kontinua triajen ba faze daruak iha 11 Maiu to'o 15 Maiu 2020.

Odete husu nafatin ba autoridade munisipiu no autoridade lokal sira atu kontinua koopera ho ekipa SIJK no MS ne'ebé hala'o triajen no sentinela survilense hodi bele identifika karik iha ona transmisaun lokal surtu Covid-19.

PUBLISIDADE

dra. Odete da Silva Viegas portavoz SIJK ko'alia ba Jornalista sira iha Sala Situasaun, iha CCD (10/5)

Saude

SIJK: Suspeitu COVID 19 Sa'e Ba 104

May 10, 2020

Tempotimor (Dili)-Dadus komulativu husi Sentru Integradu ba Jestaun Krize (SIJK) katak surtu corona virus diseases (Covid-19) afeta ba sidadaun nasionalidade timor-oan inklui estranjéiru balun ne'ebé sei hein rezultadu laboratóriu sa'e ba 104, no sira ne'ebé konfirmadu ba pozitivu Covid-19 tuun ona ba na'in neen husi númeru komulativu 24.

Tuir portavoz SIJK doutora Odete da Silva Viegas iha sala situasaun ba jornalista sira katak, kazu pozitivu hela na'in 6.

VIDEO PUBLISIDADE APELU HUSI PM TAUR APLAUS BA FRONT LINE

"Rekuperadu ohin aumenta ida, entaun ita nian kazu rekuperadu sa'e ba 22, husi númeru ne'e, na'in 18 husi kazu pozitivu no na'in haat seluk husi kazu provavél, nune'e ema ne'ebé sei baixa hela na'in 6, sira na'in neen ne'e mai husi klaster Hotel Katuas hotu," dehan Portavoz SIJK Dra. Odete iha sala situasaun CCD ba jornalista sira, Domingu (10/05)

Dezde fins fulan Abril numeru kazu pozitivu Covid 19 ne'ebe atinze ona 28 reduz fali nune'e husi teste sira maka iha, liu loron sanolu ona Timor Leste seida'uk rejista ema ruma pozitivu hodi lori ba fatin izolamentu iha Sentru saude Vera Cruz.

PUBLISIDADE

Maibe Portavoz Sentru Integradu Jestaun Krize dehan maske kazu pozitivu hela na'in neen, maibé númeru suspeitu aumenta ba 104.

"Totál komulativu teste hamutuk 909, númeru ne'ebé halo ona teste laboratóriu ne'e, suspeitu ka ema ne'ebé sei hein rezultadu laboratóriu sa'e ba 104 kompara ho horseik iha de'it na'in 80," dehan Odete.

Tuir lia na'in ne'ebe iha Sala Situasaun, dadus ba loron ohin nian, ema ne'ebé halo teste hamutuk 909, hein rezultadu 104, konfirmadu mantein 24, laiha kazu foun, rezultadu laboratóriu negativu hamutuk 781.

PUBLISIDADE

Nune'e mos totál profesionál saúde ne'ebé tama iha karantina hamutuk 53, aumenta ba númeru ne'e, sira ne'ebé halo tratamentu iha sala izolamentu, totál dadaus karantina no auto karantina husi 6 marsu to'o 10 maiu, hamutuk 151, karantina obrigatoriu hamutuk 117, auto karantina 34, alende ne'e sira ne'ebé pasa ona husi karantina hamutuk 2108.

Portavoz SIJK mós dehan, sidadaun sira ne'ebé durante iha estadu emerjénsia hodi tama iha kuarentena no auto kuarentena ne'e barak liu iha Dili, Oekusse, Covalima, Bobonaro no Baucau.

PUBLISIDADE

dr.Sergio Lobo, Portavoz SIJK ko'alia ba Jornalista sira iha Sala Situasaun iha CCD

Saude

Pozitivu Covid-19 Tun Ba Na’in 7

May 07, 2020

Tempotimor (Dili) - Atualizasaun dadus Coronavirus Disease 2019 (Covid-19), iha Kuarta (6/5), kazu pozitivu ba Covid-19 husi totál na’in 24 no provavel 4, agora daudaun menus ona ba na’in 7.

dr. Rui Maria de Araujo, portavoz SIJK ko'alia ba jornalista sira iha Sala Situasaun iha CCD (5/5)

Saude

Numeru Covid-19 La Sa'e, SIJK Husu Nafatin Aplika Distansia Sosial

May 06, 2020

Tempotimor (Dili)- Kazu surtu Corona Virus Disease 2019 (Covid-19) iha Timor-Leste, numeru pasiente nafatin 24, maibe Sentru Integradu husu ba sidadaun hotu-hotu atu nafatin aplika regras sira, Distansia sosial no fase Liman bei-beik ho sabaun, tanba meius hirak ne'e atu hadok moras refere husi ida-idak nia saude.

Portavoz Sentru Integradu Jestaun Krizi (SIJK) Dr. Rui Maria de Araoju informa, Kazu Covid-19 iha Timor-Leste komfirmadu nafatin 24 no numeru rekopera mantein 20, tanba ne'e total lolos ne'ebé dadaun sei baixa iha fatin ijolamentu iha Sentru saude Vera Cruz, hela ema nain 8.

"Ohin loron 5/5 Total kazu komulativu mantein 24 la iha mudansa, kazu komfirmadu foun la iha mudansa husi horseik mai ohin, total kazu rekupera ka kuradu nafatin 20 no total Kazu komfirmadu ne'ebé sei iha izolamentu Vera Cruz nain 8", dehan Portavoz ne'e liu-husi konferensia imprensa iha sala situasaun Sentru Konvensoes Dili, tersa (5/5).

VIDEO PUBLISIDADE APELU HUSI PM TAUR APLAUS BA FRONT LINE

Dr.Rui sublina, Total komulativu izame laboratoriu hamutuk nain 719 kompara ho loron Segunda Feira (4/5) ema nain 706, sira ne'ebé mak hein rezultadu laboratoriu nain 73 kompara ho loron Segunda Feira (4/5) nain 103, rezultadu negativu hamutuk nain 622 kompara ho loron ida antes iha de'it nain 579.

Ema ne'ebé mak sei iha kuarentina obrigatoriu hamutuk nain 253 kompostu husi Dili nain 169 no iha munisipiu nain 38. Iha auto kuarentina nain 46 iha munisipiu no Dili la iha.

Entertantu SIJK husu ba populasaun tomak atu kumpri nafatin regras sira ne'ebé antes ne'e fo sai ona ba publiku.

"Husu ba populasaun tomak, atu nafatin halo esforsu hodi fase liman bei-beik ho bee no sabaun, nu'udar dalan ida ne'ebé efetivu atu hadok an husi moras Covid-19", tenik Nia

Nune'e dr. Rui Araujo haforsa liu tan apellu ba Populasaun tomak maske numeru kazu detetadu la aumenta maibe husu nafatin kumpri ho disiplina regra distansiamentu sosial koletivu, hanesan halibur-malu ka la'o rame-rame liu-husi ema nain lima.

PUBLISIDADE

dra Odete da Silva Viegas Portavoz SIJK koalia ba jornalista sira Iha CCD

Saude

Covid 19 : Sinál Di'ak Ba TL, EE Faze Daruak Laiha Kazu Foun

May 05, 2020

Tempotimor (Dili)-Relasiona ho kazu konfirmadu ne'ebé sa'e maka'as to'o na'in 24 iha fulan abril, maibé tama ba estensaun estadu emerjénsia iha faze daruak nian, iha fulan maiu ne'e, kazu konfirmadu hahú reduz maka'as tebes, husi númeru 24, dadaun ne'e hela de'it na'in ualu.

Tuir porta-voz Sentru Integradu ba Jestaun Krize (SIJK) doutora Odete da Silva Viegas katak kazu foun husi Covid-19 mantein zero.

"Kazu konfirmadu mantein 24, maibé kazu foun mantein zero," dehan Porta-voz SIJK Dra. Odete iha sala situasaun ba jornalista sira, Segunda (04/05).

VIDEO PUBLISIDADE APELU HUSI PM TAUR APLAUS BA FRONT LINE

Entretantu sidadaun sira ne'ebé hala'o ona teste hamutuk 607. Husi sira ne'ebé teste ona, na'in 103 sei hein rezultadu, sira ne'ebé rezultadu negativu hamutuk na'in 579, sira ne'ebé konfirmadu pozitivu Covid-19 hamutuk 24, husi na'in 24 ne'e, na'in 16 mak rekopera ona, kompostu husi pozitivu na'in 12 no provavél na'in 4. Entretantu na'in 8 mak sei konfirmadu no dadaun ne'e sei iha hela fatin izolamentu Sentru Saúde Vera Cruz. Nune'e mós sidadaun sira ne'ebé sei iha kuarentena obrigatóriu hamutuk 273, pesoál saúde iha kuarentena hamutuk na'in 40 no sira ne'ebé liu ona períodu inkubasaun hamutuk 1941.

Husi observasaun tempotimor.com nian nota katak husi loron 25 abril to'o 04 maiu 2020, kazu konfirmadu mantein 24 no laiha kazu foun, maske iha kazu suspeitu nia númeru ne'ebé kada loron aumenta, maibé husi kazu konfirmadu na'in 20 ne'e, na'in 16 konfirmadu pozitivu no na'in 4 seluk provavél mak rekopera ona, husi corona virus refere, tanba pasiente sira nia imunidade forte.

PUBLISIDADE

RAEOA

Oekusse Ofialmente Entrega Sentru Movel Ida ba SIJK

May 05, 2020

Tempotimor (Dili)- Prezidente Autoriedade Rejiaun Administrativu Espesiál Oekusse-Ambeno (RAEOA) José Luis Guterres "Lugu" ofisialmente entrega sentru saúde movel ida ba Sentru Integradu ba Jestaun Krize (SIJK) nasionál hodi apoiu serbisu prevensaun no migitasaun ba surtu Covid-19.

Pesoál Saúde 59 Tama Kuaraentena Obrigatoriu

May 03, 2020

Tempotimor (Dili) - Pesoál saúde ne'ebé durante ne'e halo akompañamentu ba sidadaun sira ne'ebé mai husi zona mean, hamutuk ema na'in 59 agora daudaun tama ona kuarentena obrigatoriu.

Portavós Sentru Integradu ba Jestaun Krize (SIJK), Sergio Lobo hateten, husi total pesoal saúde hirak ne'e sira ne'ebé halo akompañamentu iha Otél Novu Horizonte, Otél Timor na'in 13, Otél Vila-Verde na'in 14, Maloa na'in 15, Otél SK 14 na'in, Otél City na'in 3.

VIDEO PUBLISIDADE APELU HUSI PM TAUR APLAUS BA FRONT LINE

Entretantu, kazu konfirmadu mantein 24, husi númeru ne'e, na'in 20 mak rekupera ona ne'ebé mai husi husi kazu provavél na'in 4, kazu konfirmadu na'in na'in 16 rua husi Likisá.

Sidadaun sira ne'ebé sei iha kuarentena hamutuk 316, sidadaun sira ne'ebé halo ona teste hamutuk 688, husi númeru teste ne'e negativu 533, sei hein rezultadu 131, sidadaun sira ne'ebé sei iha sala hela na'in 8 no ema ne'ebé liu ona kuarentena hamutuk 1. 898. (*)

PUBLISIDADE

Saude

SIJK: Sira Ne'ebé Fila Uma Livre Covid-19

May 03, 2020

Tempotimor (Dili) - Relasiona ho preokupasaun públiku nian ba sidadaun sira ne'ebé livre ona husi kuarentena no izolamentu sira, maka Sentru Integradu ba Jestaun Krize (SIJK), deklara sidadaun sira ne'e livre ona husi Coronavirus disease 2019 (Covid-19).

Jornalista Timoroan halo asaun solidaridade ba Jornalista Timoroan ida ne'ebe hasoru kazu ida ne'ebe ukun na'in sira hatama hasoru nia artigu ida iha momentu ruma kotuk

Politika

SIJK Kongratula Jornalista Sira Mas...

May 03, 2020

Tempotimor (Dili) - Governu liuhusi Sentru Integradu ba Jestaun Krize (SIJK) kongratula média hotu inklui jornalista sira, relasiona ho loron selebrasaun loron liberdade imprensa ne'ebé monu, iha Domingu (3/5).