Tempotimor (Dili) - Sekretáriu Estadu Kooperativa (SEKoop) Elizário Ferreira reprezenta estadu no governu sentrál hodi sai hanesan inspetór ba serimónia isar Bandeira nasionál iha ámbitu komemorasaun loron proklamasaun unilaterál independénsia ba dala-45 iha munisípiu Ermera, Sábadu (28/11).

Tempotimor (Dili)-Hafoin hetan konfiansa husi governu daualu iha loron 29 Juñu, mak Sekretáriu Estadu Kooperativa (SEKoop) Elizário Fereira promete sei harii kooperativa lima no fó formasaun ba membru sira husi kooperativa lima, maibé tarjeitu ne'e SEKoop atinje liu no konsege identifika mós kooperativa 30 mak taka.

Tempotimor (Díli)-Hafoin fó pose ba membru Kooperativa Paulo VI, Sekretáriu Estadu Kooperativa (SEKoop), Elizário Ferreira enkoraja membru sira atu labele tauk hasoru dezafiu ne'ebé sei mosu iha oin.

Tempotimor (Likisa)-Relasiona ho avaliasaun Sekretáriu Estadu Kooperativa (SEKoop) nian ba servisu feto nian iha grupu kooperativa ne'ebé dezempeñu di'ak maka SEKoop Elizário Ferreira husu feto rural atu partisipa iha grupu kooperativa.

Deklarasaun ne'e nia hato'o, bainhira partisipa iha selebrasaun loron internasionál feto rurál ne'ebé hala'o iha Munisípiu Likisa parte Dato no Loidaha nian ho tema "Investe iha ekonómia rurál sei hamosu Rezisténsiano bele aselera dezenvolvimentu inkluzivu".

"Ami nafatin nakloke no husu ba Inan-Feton sira atu bele hola parte iha vida kooperativa no parte SEKoop prontu atu apoiu formasaun, fasilitasaun no kondisiona," dehan Elizário Ferreira iha Likísa, Kinta (15/10).

Governante ne'e subliña, kooperativa ne'ebé eziste ona iha Timor-Leste hamutuk 214 maibé kooperativa kréditu maka hatudu dezempeñu di'ak liu no funsiona hanesan instituisaun, maibé seluk la eziste ona.

Maske nune'e, nia dehan, SEKoop iha papél importante atu eduka, tanba prinsipiu internasionál dalima husi kooperativa nian maka fó formasaun, edukasaun no informasaun.

"Ami la fó osan, kooperativa la eduka ema atu fahe osan ba malu, maibé, eduka ema oinsá atu kria kondisaun," katak nia.

Nia mós dehan, SEKoop fó hakail de'it, maibé kooperativa sira mak ba kail, depois hetan akompaña husi SEKoop.

"Sé imi hahú atu kail ikan, ró laiha, SEKoop bele kondisiona oinsá iha ró bele kail. Sé imi hakarak han ikan, ami fó kail, ami sei la fó ikan," dehan nia.(*)

Tempotimor (Dili) - Orsamentu Jerál Estadu (OJE) ba tinan 2021 nian parte Sekretária Estadu Kooperativa (SEKoop) hetan montante orsamentu hamutuk tokon US$ 7.8 no laiha tan pedidu adisionál.

Sekretáriu Estadu, Elizário Ferreira hatete, SEKoop la halo tan proposta adisionál tanba, valór orsamentu ne'e rasik sufisiente ona, no bainhira kompara ho OJE 2020 nian la konsege to'o tokon US$ 4, maibé agora atinje to'o tokon US$ 7.8.

Nia konsidera, ho montante OJE 2021 ne'ebé sufisiente liu, ida ne'e mós hanesan teste ida ba SEKoop atu bele halo planu ka ezekuta duni ida ne'e ka lae, tanba ne'e sira prontu atu servisu hodi hala'o servisu ne'ebé kontribui ba atividade produtivu sosiedade ninian.

“SEKoop laiha adisionál, Sekoop simu tomak desizaun mai husi governu hamutuk tokon US$ 7.8", hatete Elizário Ferreira, iha Akait, Kinta (24/09).

Nia hatutan, husi orsamentu tokon US$ 7.8 ne'ebé iha rihun US$ 600 sei koloka ba saláriu vensimentu, bens no servisu hamutuk tokon US$ 2.4 no restante ne'e nia baze orsamentu hamutuk tokon US$.4.5 sei aloka ba transferensia públika.

Iha transferensia públika ne'e hamutuk tokon US$.3.5 ne'e sei ba liu rekuperasaun ekonómiku hodi aloka ba iha kooperativa kréditu sira atu fasilita kréditu ba membru sira kooperativa nian ho 2% kada tinan ba jurus.

"Husi 2% neee atu bele absorve ba kooperativa hotu ne'ebé hamahan aan iha federasaun kooperativa kréditu Hanai-Malu. Kooperativa fó kréditu ba ami nia membru sira ne’e ho 4% kada tinan. Signifika 4% nee dividi ba 12 ne’e 0.3%", dehan nia.

Nia fó ezemplu katak, karik ema ida deve US$ 1.000 iha kooperativa, ne'e nia só selu jurus ne'e US$.3kada fulan, signifika ida ne'e ki'ik liu ona entre sira ne'e hotu, tanba kooperativa mosu ho ninia kritériu rasik, ho ninia edukasaun sira rasik ne'ebé la depende ba kapitál ne'ebé membru sira rasik iha, maibé depende ba vontade ho karater di'ak ne'ebé nia rasik iha.

"Katak nia deve osan US$1000, atu halo atividade produtivu no nia promete katak nia sei devolve. Ida ne'e maka atu bele hala'o, atu nune'e bele kontribui ba asegura sustentábilidade husi rekuperasaun ekonómika ne'e ninian", dehan nia.

Entretantu totál kooperativa ne'ebé oras ne'e SEKoop rejista iha baze dadus hamtuk 214 mak eziste iha territóriu TL. (*) 

Tempotimor (Hatubuiliku)-Lian-nain sira hamutuk ho agrikultura aldeia Manu-sahe, Suku Mausiga, postu administrativu Hatubuiliku, simu prezensa Sekretariu Estadu Kooperativa Elizário Ferreira ho lisan no kultura.

Tempotimor (Hatu'udu)-Grupu agrikultura ne'ebé establese iha Ainaro sente kontente ho prezensa Sekretáriu Estadu Kooperativa Elizário Ferreira no konsidera hanesan motivasaun atu kontinua hakat ba oin.

Tempotimor (Tiliomar)-Sekretariu Estadu Kooperativa Elizário Ferreira hatete nia prontu atu loke dalan hodi fasilita grupu feto sira atu asesu ba merkadu.

Tempotimor (Dili) - Koperativa Lases sente orgullu ho prezensa Sekretáriu Estadu Kooperativa, Elizario Ferreira nian iha aldeia Tatiri, Suku Mulo, Postu Admistrativu Hatobuiloku, Ainaro.

TempoTimor (Díli)- Sekretáriu Estadu Kooperativa (SEKoop), ohin (11/09), hahú hala'o enkontru ho juventude suku Metiaut, hodi halo koordenasaun, oinsá dezenvolve kooperativa turízmu, iha suku Metiaut.

Sekretáriu Estádu Kooperativa (SEKoop), Elizário Ferreira hatete, objetivu husi vizita ne'e, atu koordena ho juventude sira, iha suku Metiaut, hodi rona sira-nia opiniaun, oinsá dezenvolve kooperativa, iha sira-nia suku laran.

Nia hatete, juventude suku Metiaut hela besik liu, iha área kosteira (tasi-ibun), no bainhira joven sira harii kooperativa, iha suku refere, sira bele hetan benefísiu barak.

"Hakarak dehan katak, ba oin ne'e imi joven sira bele harii kooperativa, bele aproveita benefísiu lubuk ida, iha ne'ebá, imi nia seguransa iha Cristo Rei imi bele aproveita, ema ne'ebé ba vizita, imi bele halo kobransa, hodi oinsá bele hetan osan", dehan SEKoop, Elizário Ferreira ba juventude sira, iha suku Metiaut, Postu-Administrativu Cristo Rei, Munisípiu Díli, Sexta (11/09).

Governante ne'e akresenta, nia prefere atu juventude sira harii kooperativa turízmu, tanba bele hetan benefísiu husi sira nia talentu rasik.

Tuir Elizário, suku Metiaut iha poténsia ne'ebé boot, tanba hela besik tasi, inklui sítiu turístiku relijiózu Cristo Rei.

"Imi Konta netik istória ruma, kona-bá Cristo Rei, produz netik buat ruma, atu ema ne'ebé vizita bele sosa, hanesan kamizola ka produtu ruma", dehan nia.

Governante ne'e fó hanoin katak, dalan ida atu dezenvolve mak tenke harii kooperativa, liuhosi turìzmu iha tasi-ibun, tanba iha poténsia boot no kooperativa sai hanesan asosiasaun ida ba ema, hodi halibur aspirasaun ema hotu nian.

"Joven sira bele organiza malu homan katupa, hodi fa'an ba ema vizitante sira, iha Cristo Rei, aban bain-rua sé ita bele tau matan, oinsá mak bele fa'an produtu ruma, iha área ne'ebá", nia fó hanoin.

Xefe suku Metiaut, Júlio da Costa Xavier, husu ba joven sira, atu nafatin esforsu-aan, hodi servisu hamutuk harii kooperativa, iha suku laran.

"Buat ne'ebé imi promete, dehan atu halo, imi tenke esforsu, atu nune'e ita bele hetan konfiansa husi Governu, no ami parte autoridade prontu atu ajuda", dehan nia.