Tempotimor (Díli)-Diretór Nasionál ba Dezenvolvimentu Setór Kooperativa (DNDSK), Reinaldo Borges hatete, ezisténsia Sekretáriu Estadu Kooperativa (SEKOOP) konsege hanorin ema barak koñese koopera no ema barak mak envolve-an iha Kooperativa.

Tempotimor (Dili)-Komisaun Nasionál ba Eleisaun sira (CNE) deside utiliza lian-portugéz iha debate hodi sukat kualidade Kandidatu Prezidente Repúblika (PR) períodu 2022-2027, na’in-16 ne’ebé sei kompete iha eleisaum Prezidensiál.

Prezidente Komisaun Nasionál ba Eleisaun sira (CNE), José Agostinho Belo hatete, antes kandidatu Prezidente Repúblika ba periódu 2022-2027 atu ba halo kampaña iha munisípiu sira sei iha debate ba kandidatu sira ho lian portugéz, atu difine sira-nia seriu kapasidade atu jere nasaun Timor-Leste no atu ajuda leitór sira atu deside votu ba kandidatu ida.

“Iha ida ne'e husi Komisaun Nasionál ba Eleisaun sira sei deside debate mós iha pergunta balun tenke aprezenta ho portugéz resposta mós ho portugéz, atu hatudu ba ita katak, ita iha seriu duni ita hakarak duni lori ita-nia rai ida ne'e, nasaun ne'e ba mundu presiza mós kualidade ne'ebé natoon, atu nune'e para jere ita-nia Estadu ida ne'e”, dehan Prezidente CNE, José Belo hafoin hasoru malu ho PR Lú Olo iha Palasíu Prezidensiál Bairopite, segunda (21/02).

Debate ba kandidatura ne'e, nia konteudu hakarak fó liu tempu ba kandidatu sira, atu aprezenta sira-nian prozesaun no papél ne'ebé sira iha, debate ida dinámiku nune'e bele ajuda tebes eleitór sira atu vota.

“Ami mós informa ba prezidente katak, ita-nia konstitusaun dehan atu sai Prezidente Repúblika, alende 35 anos, iha mós kapasidade natoon, tanba ne'e mak iha biban ida ne'e husi Komisaun Nasionál ba Eleisaun sira deside mós debate ne'e, iha pergunta balun tenke aprezenta ho Portugéz no resposta mós Portugéz”, esplika nia.

Alende ne'e, antes tama ba kampaña iha munisípiu hothotu inklui iha nasionál sei iha prosesu rituál ida, ne'ebé sei halo iha munisípiu, lia-na'in sira hamutuk ho autoridade sira iha ne'ebá, sei halo tuir kona-ba munisípiu ida-idak ninia kultura, nune'e fó forsa natureza ne'e bele la'o hamutuk nafatin ba kandidatu hothotu la'ós kampaña de'it maibé, apoiante sira ne'ebé iha, atu hothotu iha seguru prosesu kampaña ida ne'e la'o di'ak to'o eleisaun.

“Rezultadu husi munisípiu ne'e lori mai Dili 28 fevereiru sei halo prosesu rituál, Dili sei iha konjuga mós ho asina paktu entre kandidatu sira, nune'e sira fó hanoin ida, kaer liman hamutuk oinsá atu fó hatene ba ita-nia eleitór sira katak eleisaun ne'e prosesu ida demokrátiku la'o hanesan ne'e”, hatete nia.

Nune'e reuni forsa oinsá atubele sai husi situasaun sira ne'e no lori nafatin Prezidente Repúblika ida di'ak ba Palásiu Prezidensiál Aitarak Laran. (*)

Tempotimor (Díli)-Diretor Ezekutivu Asosiasaun Difisiénsia Timor Leste (ADTL), Sezario da Silva hatete, liuhusi peskiza ne’ebé halo konsege deskobre katak, Ministériu Edukasaun Juventude no Desportu (MEJD) presiza loke edukasaun rekorrente avansa ba nível sekundáriu atubele fasilita edukasaun ba Ema ho Difisiénsia (EhD).

Tempotimor (Dili)-Vise Xefe Bankada Frente Revolusionáriu Timor-Leste no Independente (FRETILIN), Antónino Bianco hatete, nia parte moe wainhira hakur mota Mau-Liak iha Suku Maununo, Postu Administrativu Ainaru Vila, Munisípiu Ainaro, tanba tinan barak laiha ponte atu fasilita populasaun sira.

Tempotimor (Dili)-Prezidente Komisaun Nasionál Eleisaun (CNE), José Agostinho Belo hatete, Governu liuhusi orgaun eleitorál la konsege estabelese sentru votasaun iha nasaun Indonézia ho Austrália atu fasilita Timoroan bele vota iha eleisaun Prezidensiál.

Tempotimor (Baukau)-Sekretáriadu Tékniku Administrasaun Eleitórál (STAE) Munisípiu Baukau fó ona formasaun ba brigadista na’in-125 atu prepara ba eleisaun Prezidensiál.

Tempotimor (Dili)-Kompaña Silias ofisialmente entrega ona karreta hamutuk hitu (7) ba Sekretáriu Estadu Protesaun Sivíl (SEPS) liliu Diresaun Nasionál Bombeiru hodi fasilita servisu ba populasaun bainhira akontese insendiu.

Tempotimor (Dili)-Prezidente Konsellu Nasionál Juventude Timor-Leste (CNJTL), Maria Dadi Magno hatete, sira prefere hili prezidente repúblika ida ne'ebé figura di'ak ba povu tomak hodi kompri no halo tuir Konstitusaun Repúblika Demokrátika Timor-Leste (KRDTL).

Tempotimor (Dili)-Bankada Opozisaun Congresso Nacionál de Reconstrução de Timor (CNRT) iha Parlamentu Nasionál (PN) akuza governante balun husi Partidu Kmanek Haburas Unidade Timor Oan (KHUNTO) hahú manipula sasán ne'ebé apoiu husi World Food Program (WFP) atu fó ba komunidade sira.

Tempotimor (Dili)-Governu Timor-Leste ho Governu Austrália servisu hamutuk hodi asegura peska ilegál iha Tasi Timor husi peskadór ilegál sira, ema kontrabandista sira no ema kriminozu transnasionál sira.