Tempotimor (Dili) - Deputadu Bankada FRETILIN, Joaquim do Santos 'Borluli' duun Partidu CNRT estranga fundu mina-rai dezde sira-nia períodu ukun husi 2007 - 2012.

Tuir nia, durante períodu rua CNRT ukun gasta fundu petrolíferu hamutuk billaun US$ 14, maibé dezenvolvimentu iha rai-laran la la'o.

Nune'e, deputadu Joaquim defende katak, FRETILIN seidauk gastu fundu petróleu ba dezenvolvimentu, tanba iha primeiru governasaun ne'ebé lidera husi FRETILIN sidauk uza orsamentu fundu petróleu. Osan ne'ebé uza iha momentu ne'ebá mai husi parseiru internasionál sira.

"Entre 2007 mai to'o iha 2019 ne'e ita kudeik iha dezenvolvimentu, ita osan iha so Timor mak fo netik mina-rai ne'e ba ita, mak la iha karik agora sai saida ita la hatene", dehan nia, iha Parlamentu Nasionál, Kinta (27/08).

Nia esplika, iha rai-laran produsaun naun petrolíferu atu selu de'it funsionáriu públiku mós la konsege, tanba kada tinan gasta ba funsionáriu públiku purvolta tokon US$200-resin, maibé reseita ne'ebé la'ós mina-rai ne'e la to'o tokon $200, entaun tenke foti nafatin osan husi petróleu.

"Komesa husi 2007 to'o 2015 osan tau ba bens no servisu ne'e boot tebes atu kapasita finansiamentu ba funsaun públiku para atu produs efeitu pozitivu maibé laiha ne'e problema boot," tenik nia.

Nia hatutan, liga ba dezenvolvimentu hahú husi 2007 to'o 2015 ita gasta mais de billaun US$ 14, hasai tiha ba bens no servisu, hasai tiha ba funsionariu nia vensimentu no ba subsidiu sosial sira ne'e, kuaze billaun US$ 10 mak konsentra iha dezenvolvimentu, maibé rezultadu laiha.

"Gastu hirak ne'e FRETILIN la envolve, FRETILIN envolve iha primeiru governu seidauk gastu osan petróleu, ho parserial internasionál de'it mas sei bele agora ita bele hatudu ponte-oan ida iha ne'ebé no eskola báziku oan ruma ita halo iha ne'ebá, ne'e seidauk gasta osan petroleu", nia hateten.

Deputadu reprezenta povu iha PN ne'e akresenta, husi tinan 2015 mai kraik to'o 2007 gasta osan saugate, tanba rezultadu tau iha balansu la hanesan.

Tanba ne'e, nia dehan, agora jerasaun foun tenke hanoin ona atu hadi'a nasaun ne'e, labele kopia fali hahalok aat sira ne'ebé maun sira halo iha tinan 10 nia laran ne'e. (*)

Tempotimor (Dili) - Relasiona ho preokupasaun públiku kona-ba regalias oioin ne'ebé deputadu Paralementu sira goza, hahú  husi alojamentu US$ 450 to'o harii uma luxu hetan reasaun husi deputadu sira.

Deputadu Bankada FRETILIN, José Agustinho Sequeira Somotxo, prefere liu mantein osan alojamentu ba deputadu sira maibe la presiza halo tan uma luxu.

"Se ohin loron orsamentu ba alojamentu se ida ne'e deit mos laiha problema, la presiza halo uma luxu ba deputadu sira", dehan nia, ba jornalista sira, iha Parlamentu Nasionál, Kuarta (26/08).

Maibé kona-ba harii edifisiu PN, tuir Somotxo, iha futuru kuandu iha nesesidade konserteza órgaun soberania ida ne'e tenke iha dignidade atu iha rezidénsia, tanba Timor-Leste la'ós taka aan nia mesak iha ne'e, maibé iha mós relasaun ho komunidade internasionál.

"La presiza halo uma luxu iha rezidénsia ba deputadu sira, maibé iha kompleksu laran, hau hanoin tenke iha gabinete para deputadu sira bele hala'o servisu, se ida ne'e mak konsidera hanesan uma luxu", hatete nia.

Planu atu kria uma ba povu kbiit laek, nia dehan, bainhira iha ona planu ne'e kompeténsia ministériu ida-idak ninia, tanba kada instituisaun ida-idak mai ho ninia kompeténsia rasik.

"Kompeténsia Parlamentu Nasionál nian ho ninia orsamentu rasik mak identifika ninia problema sira ne'ebé mosu iha ParlamentuNasionál, tanba nia nu'udar lejizladór aprova osan no fiskaliza osan, tan ne'e ha'u hanoin Parlamentu Nasionál laiha nesesidade halo uma ba ami deputadu sira," dehan nia.

Nia hatutan, karik iha nesesidade halo uma, signifila ida ne'e la'ós ba deputadu sira, maibé ida ne'e ba Estadu nian.

"Se ha'u-nia mandatu iha lejizlativu ida ne'e remata uma ne'e la'ós ami mak atu hela, tanba ida ne'e uma estadu, Iha futuru ne'e deputadu sira sei tuir mai, sira ida agora ne'e remata sei iha para tuir mai," dehan Somotxo.

Ne'e duni, reprezentante povu ne'e afirma, maski povu iha razaun para atu reklama, maibé dalaruma Timor-Leste laiha nivel atu kompara ho parlamentu husi nasaun seluk. Tanba ne'e, hanesan país ida atu dignifika nia órgaun Estadu hanesan PN, Tribunál, Governu, Prezidente Repúblika. (*)  

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Tempotimor (Dili)-Xefe Estadu Maior Falintil Forsa Defeza Timor-Leste (F-FDTL) Maijor Jeneral Lere Anan Timur konsidera ema balun koko hela atu halakon istoria Falintil no Fretilin husi povu Timor-Leste nia hanoin.

Tempotimor (Dili)-Relasiona ho deliberasaun Konsellu Ministru ba Estadu Emerjensia (EE), Bankada KHUNTO iha Parlamentu Nasionál husu atu implementa de’it EE iha area fronteira, tanba area ne’e mak ameasadu no sai risku ba transmisaun Covid-19.

Tempotimor (Dili) - Bankada Governu iha Parlamentu Nasionál hahú hatudu sinál la unidu. Situasuan ne'e bele haree husi aprezentasaun membru Komisaun Funsaun Publika (KFP) husi Parlamentu Nasionál. 

Tempotimor (Dili)-Bankada FRETILIN iha Parlamentu Nasional la konkorda ho desizaun meza PN nia atu reduz númeru deputadu bankada FRETILIN iha Komisaun espesializada hodi fó fali ba eis Prezidente PN Arão Noe atu prienxe.

Tempotimor (Dili) - Deputadu Parlamentu Nasional (PN), Fabião de Oliveira husu ba governu presiza prepara tan rekursu umanu  ba Unidaee Polisia Marítima (UPM) hodi reforsa sira-nia atividade patrullamanetu ba fronteira Tasi Timor.

Tempotimor (Dili) - Deputadu Bankada FRETILIN husu ba Ministériu Agrikultura no Peska (MAP) no Sekretariu Estadu Kooperativa atu tau atensaun ba kriasaun industria hodi proteje povu agrikultór sira.

Tempotimor-Deputadu husi bankada FRETILIN husu ba deputadu CNRT kona-ba saida mak CNRT konsege halo ona bainhira kaer ukun durante tinan 10 nia laran.

Tempotimor (Dili)-Sekretáriu Jerál partidu Frente Revolusionáriu Timor Leste Independente (Fretilin) Marí Alkatiri (MA) keixa ona Komisaun Politika Nasionál (CPN) partidu Kongresu Nasionál Rekonstrusaun Timor (CNRT) ba Ministériu Públiku (MP) relasiona ho akuzasaun ne'ebé CPN partidu CNRT nian halo hasoru Marí Alkatiri.

https://www.youtube.com/watch?v=EBajLW3MvZA