Tempotimor (Dili) - Kazu korupsaun ne'ebé mosu iha ukun governasaun Timor-Leste nian hahú nakloke uitoan-uitoan. Bankada FRETILIN no CNRT duun malu kona-ba kazu korrupsaun iha governasaun tempu sira-nian.

Tempo Timor (Dili) - Sekretariu Jeral FRETILIN, Dr. Mari Alkatiri sei hato’o Keixa ba Ministeriu Públiku (MP) hasoru membru CPN Partidu CNRT sira ne’ebé tuir akuza nia simu subornu husi Kompaña ConocoPhillips.

"Aban, loron-07 fulan-Jullu tinan-2020, iha oras tuku 10 dader HTL, Sekretariu Jeral FRETILIN, Dr. Mari Alkatiri sei hakat ba Gabinete Prokurador Jeral da Repúblika iha Colmera, Dili, atu hato’o ninia keixa hasoru membru CPN partidu CNRT nian sira ne’ebé raut fila fali lixu husi tinan-2002 ne’ebé akuza Dr. Mari Alkatiri simu subornu husi kompaña ConocoPhillips," informa iha Komunikadu de imprensa ne'ebe www.tempotimor simu This email address is being protected from spambots. You need JavaScript enabled to view it..

Koalia kona-ba prosesu ba Ministeriu Públiku, Sekretariu Jeral FRETILIN esplika katak iha tinan barak nia laran ona mak nia sai vitima ba black campaign oioin hahu husi diskriminasaun vitima ba vingansa oioin no vitima ba inveija. Tamba ne’e, Dr. Mari Alkatiri hatete, “tempu to’o ona ba ha’u atu halo apelu ba RDTL nia sistema Justisa.”

“Tempu to’o ona atu fo tempu ba Justisa Estadu RDTL nian,” Dr. Mari Alkatiri subliña.

Dr. Mari Alkatiri hahu ninia luta ba Timor-Leste nia independensia ho otas ne’ebé nurak tebes, seidauk atinji idade tinan 20. Ninia luta ba Timor-Leste nia Ukun Rasik An sei kontinua to’o ohin loron ho idade tinan 70 liu ona.

“Iha tempu naruk ida hanesan ne'e ha’u hasoru dezafiu oi-oin; Dezafiu luta kontra kolonialismu, dezafiu luta kontra espansionismu rejimi Suhartu nian, etc., maibé, dezafiu ida permanente liu no foer liu mai kedas husi ha’u nia maluk timor oan sira balu. Besik tinan lima nulu mak ha’u, ho hau nia familia tomak, sai vítima ba sira. Vítima ba diskriminasaun oin-oin, ba ódiu no vingansa, ba inveja.” Dr. Mari Alkatiri hatete.

Tuir Dr. Mari Alkatiri, hahalok at sira ne’e hasoru nia seidauk para maibé hetok sai boot no forte liu tan. Ate to’o ona iha faze ida ne’ebé mak ema sira ne’e rasik la konsege hafahe entre ida ne’ebé mak lia los no ida ne’ebé mak lia bosok.

“Agora, iha faze ida ne’ebé sira tama ba dezesperu, sira haboot tan sira nia odiu mai ha’u, sira hatudu momos sira nia frakeza, uza lia bosok atu difama, hala'o kalunia ho injuria, atu taka sira nia sala durante tinan sanulu resin rua ukun Timor-Leste. Atu halai husi Justiça, sira buka atu trava FRETILIN nia dalan ba vitória." Dr. Mari Alkatiri esplika.

Tamba ida ne’e duni mak Dr. Mari Alkatiri deside lori keixa ba Ministeriu Públiku hasoru CPN partidu CNRT nian ba lia bosok ne’ebé sira públika hasoru nia.

Tempu to’o ona ba Timor oan tomak atu hatene lia los kona-ba bosok sira ne’ebé partidu CNRT nia estrutura no kuadru balu halo.

“Lia los deit mak dalan diak ba Timor-Leste ida Buras Liu,” Dr. Mari Alkatiri konklui iha komunikadu refere.

Tempotimor (Dili) - Deklarasaun Partidu FRETILIN hodi haruka Ministériu Públiku  investiga Inspetór Calisto Gonzaga no Kay Rala Xanana Gusmão kona-ba lori fila sidadaun  Indonézia nain-rua ne’ebé hatama droga mai TL pertinente tanba expire ona.

Tempotimor (Dili) Maske parte Sekretariu Jeral partidu FRETILIN fo sai ona iha publiku katak ninia advogadu prepara ona kazu kona CPN partidu CNRT maibe bankada Parlamentar Konselhu Nasional Rekonstrusaun Timorense (CNRT) kontinua du'un Sekretariu Jeral (Sekjer) Fretilin Mari Alkatiri simu subornu husi Kompana ConocoPhilips ho montante tokon 5 Dollar Amerikanu.

Tempotimor (Dili) - Partidu Congresso Nacional Reconstrução Timor-Leste (CNRT) ameasa hato'o keixa kontra Sekretáriu Jerál Partidu FRETILIN, Mari Alkatiri tanba konsidera halo deklarasaun insultu hasoru Prezidente Partidu CNRT, Kay Rala Xanana Gusmão.

Tempotimor (Dili)-Komisaun B Parlamentu Nasionál hetan ona orientasaun hodi loke investigasaun ba instituisaun seguransa, Polisia Nasionál Timor-Leste (PNTL), ne’ebé iha divida naun-finanseira to’o tokon $2.

TempoTimor ( Dili)-Bankada FRETILIN ih Parlamentu Nasional konsidera daudauk ne'e lideransa partidu CNRT stress todan tanba sofre post power syndrom hafoin lakon sira-nia poder.

Deputadu Bankada FRETILIN, Joaquim dos Santos dehan, maske CNRT halo akuzasaun falsu hasoru Sekretariu Jeral FRETILIN Mari Alkatiri, maibé FRETILIN kompriende tanba sira sofre hela post power syndrome.

Tuir Joaquim, durante ne'e, CNRT halo politika bosok, no daudauk ne'e sira koko atu bosok tan hodi akuza Sekjer FRETILIN simu suborno husi kompaña ConocoPhillips.

"Durante ne’e sira halo polítika bosok bebeik to’o gagal no agora até hatudu katak sira la latene atu bosok oinsa tan, CPN-CNRT no bankada CNRT ba raut fila fali sampah sira ne’e atu mai prova ba públiku Timor-Leste katak sira bosok to’o gagal tiha ona. La’os de'it bosok to’o gagal, maibé bosok to’o PLP ho KHUNTO tebe sira sai husi poder," deklara Joaquim iha PN.

Nia esplika katak, kazu suborno hasoru Alkatiri ne'ebé levanta iha tribunal Australia no Amerika arkiva ona, tanba laiha evidensia, no parte tribunal mós deklara katak keisa husi kompaña Oceanic Exploration laiha baze.

"Bosok diatas bosok hanesan (lider CNRT) sira halo semana kotuk ne’e sampah ne’ebé povu Timor-Leste no públiku tomak haree momoos hela" dehan nia.

Tempo Timor (Dili)-Hafoin deputadu CNRT halo akuzasaun hasoru Sekretariu Jeral partidu FRETILIN Mari Alkatiri simu suborno husi kompaña ConocoPhillips, deputadu FRETILIN mós hahú hasai akuzasaun ba Prezidente partidu CNRT Kay Rala Xanana Gusmão.

Tempotimor (Dili) - Bankada parlamentár Frente Revolusionáriu Timor Leste Independente (FRETILIN) ezije ba Ministériu Públiku (MP) atu halo investigasaun hasoru eis komandante jerál Polísia Nasionál Timor Leste (PNTL) Longunhos Monteiro no eis Primeiru Ministru (PM) Xanana Gusmão, tanba deskonfia haruka Calisto Gonzaga hodi fasilita sidadaun na'in lima ses husi justisa Timor Leste.

Tempotimor (Dili)-Bankada Parlamentár Frente Revolusionáriu Timor Leste Independente (FRETILIN) ezije ba parte kompetente atu halo investigasaun kle'an ba subsídiu ne'ebé governu fo ba pesoál front line no ajente administrasaun sira durante durante fulan tolu iha kombate pandemia covid-19 iha Timor Leste.