“Durante ne’e haree katak ai-hán sira ne’ebé produz iha rai-laran seidauk konsege instala fábrika ida atu absorve serbisu ba joven sira, ida ne’e sai prioridade tebes ba ha’u atubele fó atensaun hodi koopera ho Governu ninia programa sira”, dehan nia hafoin halo kampaña daruak ho tipu diálogu iha Munisípiu Baukau, kinta (03/03).

Aleinde haree liu oinsá bele iha fábrika iha kada munisípiu tuir potensialidade ne’ebé iha, nomós haree kona-ba kondisaun mánutrisaun ne’ebé sai hanesan preokupasaun boot iha Timor-Leste.

Tanba hanesan públiku tomak haree katak populasaun barak mak sempre konsumu ai-hán sira ne’ebé la saudável, entaun presiza haree atu halo mudansa hodi fó atensaun liuhusi produz ai-hán nutritivu hodi fornese ba sidadaun hodi hadi’a kresimentu família.

Bainhira sai Prezidente Repúblika, sei tau atensaun liliu ba munisípiu Baukau tanba rai ne'ebé potensiál tebes, nomós sei instala Aeroportu Internasionál ida di’ak.

Maibé ko'alia kona-ba bem estar ba povu tomak, klaru katak tenke fó atensaun ba sidadaun sira no proteje direitu sidadaun tuir Konstituisaun atu asesu ba ekonómia, sosiál no kulturál. (*)