Tenente Jeneral reafirmadu Lere Anan Timur ho nia ekipa susesu ne'ebé mak fila husi kampaña loron daruak nian iha Vikeké, kinta (03/03) atu fila ba Baukau, maibé hafoin to'o iha área Larigu nian, hasoru malu fali ho Prezidente partidu CNRT, Kay Rala Xanana Gusmão no José Ramos Horta ne'ebé mak mai husi Baukau atu kontinua halo kampaña loron datoluk nian iha munisípiu Vikeké.

Hafoin kaer liman, Lere Anan Timur dehan ba Xanana katak, nia ho espoza no ekipa susesu foin fila husi Vikeké atu liuba Baukau.

“Ha’u foin iha Vikeké no agora ami atu liubá Baukau. Agora maun-sira kontinua ba fali Vikeké. Ita sees-malu de’it”, dehan Lere Anan Timur ho oin midar no hamnasa.

Bainhira remata konvera, ekipa susesu husi kandidatu Ramos Horta ho Lere Anan Timur, hakilar Viva Xanana, Lere no Ramos Horta. (*)