“Ha’u-nian mak tenke kumpri loloos konstituisaun ida ne’e duni mak ha’u nu’udar joven ida oituan ka barak partisipa iha luta rezisténsia nian, luta ba ukun rasik-an nian, ida ne’e duni mak ha’u-nia valór e ha’u sei kumpri lolos saída mak tau iha konstituisaun tuir prinsípiu ne’ebé maka lulik”, dehan nia iha komísiu kampaña loron dalimak, Suku Purugua, Postu Administrativu Kailaku, Munisípiu Bobonaro, sábadu (05/03).

Bainhira sai lideransa nasaun ne'e, nia kna’ar mak oinsá kumpre loloos ba konstituisaun tanba ida ne'e nu’udar obrigasaun ida hanesan Xefe Estadu.

Tanba atu simu kna’ar Prezidente Repúblika la'ós liuhusi negósiu maibé ida ne'e obrigasaun ida ne'ebé ema rihun mak fó fiar, maske iha balun maknkontradiz ho konstituisaun.

“Kontradíz ho konstituisaun ne'e la’ós ha’u-nia karater la’ós buat ne’ebé mak obriga ha’u atu halo”, hatete nia.

Tanba ne'e eleitu Prezidente Repúblika, ida ne'e sai nu’udar garantia Unidade Nasionál sai símbolu ida ba nasaun tenke hanesan komandante ida supremu forsa armada no sai mahon ba Governu.

Nune’e husu ba populasaun no apoiante sira atu labele haluha vota ba kandidatu Prezidente Repúblika període 2022-2027, Anacleto Bento Ferreira, iha loron 19 fulan-marsu. (*)