Tuir subriñu matebian, Ayub Oliveira informa, iha sesta kalan matebian fila husi to'os atu ba fila fali uma hodi tuir eleisaun Prezidensiál mak akontese udan no mota tun rezulta lori Alberto Goncalves Perreira no lakonsege salva nia vida.
“Husi uma to'os atu mai tuir vota mak mota lori tiha”, dehan nia ba www.tempotimor.com, domingo (20/03).
Matebian durante ne'e hela iha suku Aisirimou, nune'e halo to'os iha rai Berkati. Nune'e iha sesta (20/03) kalan fila ba uma no sábadu (19/03) atu tuir votasaun iha eleisaun prezidensiál mak mota lori.
“Nia hela iha Aiserimou halo to'os mk iha tos Berkati, no to'o lorokraik atu fila mai Aiserimou para Sábadu atu vota mak akontese tiha nune'e”, hatutan nia.
Matebian ne'e sei la lori ba parte saúde sira atu halo autopsia maibé família deside hakoi tuir Kultura Aileu nian.
“Aban haloot de'it ona tanba nia kondisaun loron rua ona ne'e”, nia akresenta.
Hafoin mota lori Matebian, família sira buka tuir durante loron rua no hetan iha domingo (20/03) meudia otl. (*)