“Ha'u sai prezidente da republika para hametin estadu diretu demokratiku, hala'o nafatin dezenvolvimentu ida ne'ebé intergradu e sustentabilidade ba futuru, atu ita-nia povu hothotu bele iha direitu moris dignu, atu sai hanesan ema, iha nia rai, atu ema ida labele sama tan sira, labele hanehan tan sira, labele bosok tan sira, hodi halo finje hanehan nafatin povu ida ne'e. Ha'u sei sai prezidente repúblika ba povu tomak”, dehan Lú Olo hafoin hala'o ninia kampaña ho tipu diálogu iha Munisípiu Aileu, tersa (05/04).

Tanba ne'e, Lú Olo hakarak husik hela vontade povu ida ne'e nian iha elesaun prezidénsia segunda volta ninian, partikularmente ba kuadru no militante partidu FRETILIN, PLP no KHUNTO, atu hatete ba sira-nia família vota ba númeru 2 atu nafatin sai Prezidente Repúblika (PR), hodi hametin nafatin Estadu diretu demokrátiku.

Aleinde sai Prezidente Repúblika oinsá mak bele respeita nafatin prinsípiu separasaun orgaun soberanu sira hotu maibé respeita nafatin interdependensia entre orgaun soberanu sira-nia kna’ar. (*)