“Sente kontente ho serbisu Jornalista sira nian iha Timor-Leste, ne'ebé divulga informasaun sira ba ita-nia komunidade ho responsabilidade no tuir duni kode étika jornalista sira nian, embora hasoru difikuldade tanba sei falta tebes rekursu umanu”, dehan PM Taur Matan Ruak, liuhusi Komunikandu Imprensa ne'ebé www.tempotimor.com, asesu iha kuarta (03/05).
Nu'udar Governu, liuhosi MAPKOMS/SEKOMS no organizasaun mídia sira-nian, Governu hakarak kontinua hasa'e kapasidade Jornalista sira nian iha área jurnalizmu nian no insentiva instituisaun mídia sira atu iha kbi’it hodi kontirbui di'ak liután ba prosesu konstrusaun Estadu no demokrasia iha rai laran liuhusi informasaun, tanba mídia nu'udar pilar importante ida mós.
“Ikus liu, mai ita hamutuk hodi luta nafatin ba prezerva bem-estar povu nian liuhusi serbisu Jornalista sira-nian ne'ebé sempre sai lalenok ba ema hotu. Dala ida tan Parabéns ba ita-boot sira. Viva Liberdade Imprensa, Viva Jornalista Timor-Leste”, afirma Taur. (*)
