“Ami mós la konkorda atu Sekretáriu Estadu hasai osan tomak ba ida ne'e mais osan balun tenke maihusi Arte Marsiál sira”, dehan nia hafoin partisipa abertura loron feria Uniaun Europea nian ba dala 20 iha Timor Plaza, sesta (27/05).
Tanba konstrusaun sede ba Arte Marsiál ne'e klaru katak inisia husi Governu maibé parte rua ne'e tenke kontribui hotu osan pursentu 50 nune'e hafasil liu prosesu ida ne'e.
Ajar rasik mós kompriende oituan ho lala'ok organizasaun nian, tanba membru sira sempre selu osan molok sa’e sabuk (sintu), entaun osan ida ne'e organizasaun Arte Marsiál sira bele selu sira-nia treinadór (pelatih) no selu buat sira seluk maibé mós balun sira tenke rai ba interese organizasaun nian.
“Entaun osan ne'e balun ba halo e selu ita-nia pelatih sira ne'e ho hotelária mais balun tenke rai ba interese organizasaun para hadi'a sede”, hatete nia.
Iha ne'e, AJAR hanoin katak politika hari’i sede ne'e hanesan buat di'ak ida ne'ebé Estadu halo atu evita problema tanba ne'e depende fali ba organizasaun mak jere nomós sira ne'ebé asegura katak Arte Marsiál ne'e labele tama iha lasu polítiku. (*)
