“Ha'u lori Sekretária Estadu Igualidade no Inkluzaun nia naran hakarak hato'o ha'u-nia parabéns ba loron internasionál ba labarik sira liliu labarik sira Timor-Leste nian ne'ebé mak ohin selebra loron rasik”, dehan Maria do Rosário Fátima Correia ba www.tempotimor.com iha Ministériu Finansas, Aitarak Laran, kuarta (01/06).
Iha selebrasaun ne’e, Insititutu Defeza Direitu ba Labarik (INDICCA) ne'ebé mós selebra loron Internasionál iha Munisípiu Lautein nune'e iha ekipa Sekretária Estadu Igualidade no Inkluzaun mós ba selebra loron Internasionál hamutuk ho estudante no labarik sira iha Munisípiu Lautein.
Ho lei protesaun hasoru labarik sira ne’ebé hala’o hela diskusaun, bainhira aprova ona Parlamentu Nasionál bele asegura labarik sira husi violénsia sira ne’ebé mosu.
“Ami espera katak ita mós iha ona Parlamentu Nasionál aprova ona lei protesaun labarik espera katak lei refere proteje ita-nia oan sira liliu atu proteje sira violénsi ne'ebé mak sira hasoru”, deklara nia.
Mundu deside loron nasionál ba labarik deside monu iha loron ida fulan-juñu nune'e Timor-Leste mós selebra loron refere. (*)