“En Relasaun ho Grupu Arte Marsiál ne'ebé ke reativa tiha ona husi Komisaun Reguladór Arte Marsiál (KRAM) iha Sekretáriu Estadu Juventude no Desportu (SEJD) ne'ebé sai hanesan responsabilidade ba buat ida ne'e, ita haree atividade relijiozu prosesaun tanba sá mak tenke tau hotu fali Arte Marsiál mak halo fali seguransa enkuantu iha paroku hotu iha iskuteru”, dehan nia iha plenária Parlamentu Nasionál, tersa (14/06).
Tanba kestaun atu halo seguransa ba atividade paroku ne'e sira iha iskuteru inklui bele mós hetan seguransa husi Polisia Nasionál Timor-Leste (PNTL).
Ho ida ne'e, Bankada UDT lamenta tebtebes tanba ambiente relijiozu nian haree kuaze laiha, bainhira Arte Marsiál uza atributu partisipa atividade relijiozu para fó seguransa, ida ne'e hanesan halo ema sente-an fali atu akontese buat ruma.
“Ne'e husu ba Arte Marsiál ita kuandu reativa fali ona iha nia fatin tanba ida ne'e prátika desportu arte ida, la'ós ba atividade relijiozu ita ba haree sira mak iha estrada ne'e kintu kantu halo seguransa fali ne'e laloos”, hatete nia.
Ba kestaun ne'e, Bankada UDT ho respeitu hakarak husu ba amu paroku sira atu labele uza fali Grupu Arte Marsiál seguransa ba kualker atividade relijiozu tanba seguransa nasaun ne'e iha inklui paroku mós iha iskuteru, atubele fó seguransa ba atividade sira hanesan ne'e. (*)