"Suspeitu sira ne’e na’ok beibeik ona, tanba iha prosesu investigasaun sei ajusta kazu sira ne’ebé uluk eh ita enkamiña par aprezenta ba ministeriu publiku hodi fó ninia sansaun ne’ebé todan, tanba sira repete beibeik kazu ne’ebé mak hanesan", dehan nia iha kaikoli, kuarta (11/10).

Suspeitu joven mane nain rua ne'e ho naran inisiál JS, tinan 18 husi Maubisse Munisípiu Ainaro, hela iha Matadoru, Aldeia 01 setembru, Postu Administrativu Vera-Cruz, Munisípiu Dili no AMDS husi Munisípiu Aileu, hela iha área Tuana Laran, Aldeia Matua, Suku Vila Verde, ne’ebé envolve krime jerál ba kazu na’ok sasán iha kapitál Dili.

Suspeitu na’in rua ne’e, Polísia Nasionál Timor-Leste (PNTL), liuhusi Servisu Informasaun Polísia Naional (SIPN), hosi Aranha Oeste kaptura iha área komoro uainhira ho motor lori hela sasan na’ok hanesan laptop 2 ho marka Asus 1 no Toshiba 1 fa’an ba komunidade balu iha Aldeia  01 Suku Fatuhada, Postu Dom-Aleixo, Munisípiu Dili.

Nune'e iha prosesu identifikasaun suspeitu JS deklara katak, nia mak foti duni laptop rua ne’e husi vítima na’in rua ho naran Erica no Ameta ne’ebe sei iha relasaun família tanba nia laiha liu osan.

Antes ne’e, suspeitu JS komete ona kazu na’ok osan, telfone no hadau telfone iha dalan publiku ne’ebé rejista ona iha PNTL.

Suspeitu hirak ne'e, kontinua hela prosesu investigasaun antes submete ba tribunál hodi tuir prosesu julgamentu. (*)