“Governu tenke iha obrigasaun atu selu Tais ne'ebé mak sira husu ona husi Komunidade hodi fó ba. Tanba komunidade sira soru tais la'ós uza (mákina) ne'ebé oras ida-rua tais ne'e prontu, ita tenke haree ba inan feton sira ne'ebé soru tais uza fulan mak bele saida, sé sira husu tiha ona komunidade lori tiha ona Tais sira ne'e to'o iha ne'ebá, sira lá promove, responsável Governu nian atu selu”, dehan nia iha kna’ar fatin Farol, segunda (25/07).

Tanba ema sira soru tais ida-ne'e barak mak kbi'it la'ek no inan faluk ne'ebé mak liuhusi sira-nia kreatividade ida tais ne'e bele fornese ba Governu atu halo promosaun iha Expo-Dubai maibe sé to'o iha ne'ebá lá konsege ne'e Governu nia responsabilidade, hakarak ka lakohi tenke selu.

Maske Governu dehan tais hirak ne'e iha momentu ne'eba lakonsege lori ba tanba impede husi situssun COVID-19 maibé presiza mós haree filafali ba situasaun inan feton sira ne'ebé mak produz tais tanba tais ne'e la’ós produs ohin aban hotu ne'e la'e.

Ba situasaun ida-ne'e, iha loron 7 fulan-jullu 2022, Ministériu Turizmu no Komersiu Industria liuhusin Sekretáriu Jerál Autoridade Nasionál ba Expo Dubai Timor-Leste (ANED-TL), Manuel Vong hato'o ona karta ba Parlamrntu Nasionál hodi fó klarifikasaun kona-ba problema tais nian.

Tanba iha grupu soru-tais sira ne'ebé organiza husi deputada Lusia hodi ba krítika ANED Timor-Leste iha Ministériu Turizmu ho Komérsiu no Indústria (MTKI).

Iha karta ne'e rasik hatete Bomdia sua eselénsia Prezidente Parlamentu Nasionál, update informasaun no husu Prezidente PN nia intervensaun ruma, hodi salva guarda prosesu investimentu estratéjia rezultadu husi expo-2020 Dubai.

“Informa ba Prezidente katak horseik, 6 de setembro 2022, tuku 14, lokraik iha distinta deputada Parlamentu Nasionál ho naran, señora Lusia Taeki, husi Bankada CNRT mai iha sekretária ANED Timor-Leste, protesta kona-ba tais Oekussi lakonsege lori ba Expo-2020-Dubai”, konteudu husi karta refere.

Grupu ne'ebé mak esplika ona mak grupu tais-na'in sira ho señora deputada hatete katak Parking List, hatete aprovasaun husi dubai tanba Pandemia COVID-19 aumenta iha fulan-novembru to’o dezembru 2021, no esplikasaun detallu e anexu.

Grupu mós hato'o katak Governu liuhusi Ministériu Turizmu ho Komériu no Indústria, para ANED Timor-Leste halo promusaun ba tais husi munisípiu hotu nian, la'ós de'it husi Oekussi.

Ministru Turizmu Komérsiu no Indústria fo ona orientasaun atu buka meiu no posibilidade atu sosa tais ne'e balun hodi kontinua halo promusaun no asuntu ne'e iha ona prosesu nia laran.

Grupu mós esplika katak Governu liuhusi MTKI no ANED Timor-Leste, halo kna'ar, halo promusaun ba investimentu iha área estratéjiku ba rekooperasaun ekonómiku nasionál. (*)