“Projetu Dekretu-Lei ida daudaun ne’e hakarak atu estabelese kuadru jurídiku ida ne’ebé espesiál hodi aplika ba akordu PPP nian relativu ho Servisu Diagnóstiku laboratoriál no liuhusi imajen, ne’ebé define rejime ida ne’ebé fleksivel liu no adekuadu ba kolaborasaun parseiru privadu ida iha prestasaun servisu públiku nian sira, hodi haree mekanizmu sira ne’ebé asegura sustentabilidade, alokasaun risku, operasionalidade no kualidade servisu ne’ebé fó ba populasaun”, dehan Ministru Prezidénsia Konsellu Ministru, Fidelis Leite Magalhães iha Palásiu Governu, kuarta (27/07).

Tanba dekretu-lei ne’e, atu estabelese kuadru jurídiku ida ne’ebé klaru, justu, previzivel no estavel ne’ebé permite atu estimula no atrai investimentu privadu no hodi garante prestasaun servisu públiku diagnóstiku laboratoriál no liuhusi imajen. (*)