Tanba ne’e, prezidente kompaña SACOM TL, Abilio Araújo konvoida Prezidente Repúblika, José Ramos Horta no Primeiru Ministru, Taur Matan Ruak atu ba inaugura instalasaun Vibra Optika Cable ne'ebé dada husi Indonézia mai Timor-Leste iha Batugade.

"SACOM TL investe durante iha tempu Covid-19 nian, halo ligasaun fibra optika Cable husi rai maran husi Indonézia mai Timor-Leste, ida ne'e ita prontu ona no ita nia infraestrutura iha hotu ona Batugade, eh ita mós apoiu husi Governu mak agora harii iha baze ne'ebá no hein de'it atu liga ita nia Vibra Optika Cable husi Kompaña Indonézia BUMN ida naran ICON+ no ida ne'e ita prontu ona, ne'e mak ha’u mai konvida Primeiru Minístru no Prezidente Repúblika atu ba inaugura", dehan Abilio Araújo iha Palásiu Governu, Sexta (16/12).

Loron ba inaugurasaun, depende ba Primeiru Ministru mak atu desidi, tanba ne’e bele sujere hela data ida, tanba preparasaun ba inaugurasaun prontu ona.

Tanba, investimentu dada Vibra Optika Cable mai Timor-Leste hetan ona autorizasaun husi Autoridade Nasional Komunikasaun (ANC-sigla Portugés) no apoiu mós husi Governu.

Nia akresenta, ligasaun internet iha Timor-Leste durante ne'e halo ligasaun husi satélite liuhusi micro waves ka Radio frékuensia no tau ba torre Indonézia no iha Timor-leste, entaun la'o ladún estavel no la seguru.

"Agora Cable Vibra Optika ne'e la lakon, ne'ebé ita haruka ho kapasidade no speed ke forte, ne'e iha buat ida ke saltu ka haksoit boot ida ba ita nia dezenvolvimentu iha Timor", nia hatutan.

Nune’e, Vibra Optika Cable ne'e benefisiu boot ba Timor-Leste liu husi archivment no konkista boot atu hadi’a hikas internet ne'ebé durante la'o hanesan lenuk.

"Vibra Optika Cable ho archivment boot ne'e konkista boot ida ba ita nia rain, tanba ne'e mak luta harii no hadi’a kedas problema internet iha Timor, oras ne'e internet tama iha ita nia uma liuhusi satélite no micro waves ka rádiu frekuensia tau menara iha Indonézia eh depois sira tuda ka tiru ba malu de'it no ida ne'e ita hatene katak nia la seguru no la estavel", dehan nia.

Hafoin ligasaun Internet liuhusi Vibra Optika Cable Prezidente SACOM TL garante sei rezolve internet iha Timor-Leste ho di'ak no ho velosidade maka'as.

Kona-ba totál orsamentu ne'ebé gasta ba instalasaun Vibra Optika Cable, nia la fo númeru serteza, maibé gasta ona osan kuaze tokon ba tokon. (*)