Foto Hamutuk Embaixadór Japaun ba Timor-Leste, Hiroshi Minami ho Sekretáriu Estadu Profisionál no Emprego (SEFOPE), Julião da Silva no staf sira hafoin hato'o ninia despedida
Foto Midia SEFOPE
Tempotimor (Dili) – Embaixadór Japaun ba Timor-Leste, Hiroshi Minami, Tersa (27/08/19) hato'o ninia despedida ba Sekretáriu Estadu Profisionál no Emprego (SEFOPE), Julião da Silva. Embaixadór Minami despedida, hafoin tinan rua hala'o ninia knaar iha Timor-Leste.
Minami hato'o ninia agradese ba kooperasaun servisu entre nasaun rua. Liuliu ho SEFOPE, ne’ebé iha planu atu asina Memorandum Entendimentu hodi haruka traballadór timoroan, ba servisu iha Japaun.
Ba embaixadór Minami, SEFOPE hatete, nia mandatu bele hotu maibé komunikasaun sei la’o nafatin, hodi nune’e bele ajuda timoroan sira banhira akordu ne’e asina.
Julião mós agredese ba embaxadór Minami ne’ebé durante hala’o nia misaun iha Timor-Leste, ajuda ona timoroan no setór privadu sira.
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
.
