Tuir akordu AMP eziste ho razaun fundamentu tolu maka vota afavor ba programa governu, vota afavor ba Orsamentu Jeral Estadu (OJE) no vota afavor ba lei estrutura sira.
"Mas foin lalais Orsamentu Jerál Estadu 2020 hetan xumba iha ne'ebá (PN)," dehan Prezidente interinu PLP, Abrão Freitas "Mate Restu" iha Palásiu Prezidensiál, Bairru-Pité, Sesta (24/1).
Nia hatutan, akordu klaru kedas iha ne'ebá, iha akordu lá hakerek kuandu OJE bele vota abstensaun ka kontra.
Tanba ne'e, pozisaun PLP nian entrega hikas ba Prezidente Repúblika saida deit mak deside prontu apoiu.
Antes ne'e,Sekretariu Jeral CNRT Kalbuadi Lay hatete AMP sei eziste tamba harii husi Konferensia mesmu Taur Matan Ruak hatete CNRT rasik mak baku mate AMP.
Mate Restu mos akresenta PLP fiar ho lideransa nasional sira hanesan Prezidenti república Francisco Guterres Lu Olo, Xanana Gusmão, Marii Alkatiri, Taur Matan Ruak inklui sira seluk sei buka solusaun ne'ebé diak i Justu ba moris diak Povu nian.(*)