Alkatiri: Aliansa Labele Uza Ema Hanesan Instrumentu

Delegasaun lideransaun Partidu Demokratiku hasoru malu ho Sekretariu Jeral partidu FRETILIN, Dr. Mari Alkatiri Delegasaun lideransaun Partidu Demokratiku hasoru malu ho Sekretariu Jeral partidu FRETILIN, Dr. Mari Alkatiri

Tempotimor (Dili) - Partidu FRETILIN aprende lisaun barak husi prosesu politika ne'ebé la'o.  Tanba ne'e, lakohi atu hamosu aliansa ida ne'ebé aproveita ema hanesan instrumentu hodi atinji ema balun nia objetivu.

Sekretariu Jeral Partidu FRETILIN, Mari Alkatiri hateten. kuandu halo aliansa tenke respeitu malu, labele uza ema hanesan instrumentu. 

Partidu kiik Ka boot tama iha aliansa tenke trata hanesan parseiru la'ós instrumentu atu kontra fali ema seluk.

"Se maioria ida rahun iha klaran, portugés dehan inpurdeiu, tanba agora atu fó kulpa de'it Prezidente Repúblika. Entaun rezolve uluk ida ne'e", dehan Alkatiri, iha Sede CCF, Komoro, Tersa (18/2).

Tuir nia, bainhira rezolve ona problema ho Prezidente Repúblika maka estabilidade governativa la depende ona ba maioria ka minoria maibe kolegasaun ida maioria ne'e trata minoria ne'e oinsa.

Bainhira iha partidu boot liu iha koligasaun trata partidu kiik sira ne'e oinsa, hanesan parseiru ka hanesan instrumentu.

Entertantu, FRETILIN rasik iha oportunidade atu forma koligasaun foun no hamosu governasaun foun, maibe hafoin soru-mutu ho Partidu Demokrátiku, Mari deklara FRETILIN sei Hakarak ukun iha 2023. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.