“Ami ezije ba Prezidente da Republika atu fo demisaun ba Primeiru Ministru,” dehan Xanana Gusmao, simu ho haklalak no basa liman husi partisipantes sira iha Konferensia de imprensa refere iha sede Partidu CNRT (24/3). 

Tuir Xanana, Primeiru Ministru Taur Matan Ruak ne’ebe deminsionariu la iha kompetensia atu haruka fali alterasaun Lei Orsamentu Jestaun finanseira ba parlamentu nasional. 

Tuir Prezidente AMP katak Koligasaun AMP agora ne’e maioria. 

"Ami la'os minoria, maibe ami maioria, plataforma entendimentu mak espekula povu no tau foer iha povu nia matan, hodi dehan katak sira iha de'it 31 votus, no dehan fali ami nia parlamentar ne'e sira fo osan karik atu vota ba Sira, ida ne'e mak ami tur iha ne'e hodi dehan katak la iha fa'an an ba no deputadu sira tur hotu iha ne'e hotu sei la simu osan atu vota ba Sira (FRETELIN ho PLP)", Dehan xana iha Sede CNRT Bairro dos grillos, tersa (24/3). 

Lider Karismatiku ne'e dehan, iha Lei Partidu politikus no lei elektoral Dehan katak, partidu koligasn ne'e mak ninia deputadus ida kontra politika no desizaun Partidu nian mak sei recall. 

"Nune'e se mak hakarak fa'an an ho kartaun mean ida diak liu ba hadi'a uma no hola kareta par Moris, ida 200 ou 300 dolar ne'e halo lerek saida, ne'e imi lakon ohin, lakon tan naran ne'e ami aviza, sira la aviza, sira mai tur iha ne'e par Dehan katak, ami mak ne'e, lalika bosok povu, ami konta hela votu 4 ka 5 ami konta hela, maibe seidauk bele fo sai naran", Dehan Nia