Timor-oan hirak ne'ebé livre ona durante ne'e hela iha kuarentena Hotel Luz Clarita, Hotel Viena, Hotel São João Paulo, Hotel Fortuna, no Hotel Carla mansion.
Diretora Jerál Prestasaun Saúde (DJPS) Ministériu Saúde (MS) Odete Viegas hatete, maske livre ona husi kuarentena maibé tenke kuidadu an nafatin.
"Maske ita kumpri ona 14 dias, maibé bolu ita hotu nia atensaun katak moras ne'e iha ona ita nia rai, maibé ita hotu mak tenke kuidadu ita nia aan, bainhira fila ba sosiedade kontinua kumpre regra sira hanesan distánsia sosiál, uza maskara, no fase liman beibeik," dehan Odete.
Iha fatin hanesan reprezentante Diretór Jerál (DJ) Ministériu Administrasaun Estatál (MAE) Paulo Natalino dehan, autoridade sira sei entrega Timor-oan hirak ne'e ba parte administrasaun munisipiu hafoin familia bele ba kontatu no lori fila.
"Familia ne'ebé mai simu labele foti diretamente iha fatin kuarentena, maibé tenke konfirma uluk autoriedade lokál," dehan Paulo.