Deputadu husi bankada ne’e, iha Tersa (05/05) dader, liu husi advogadu AMP foun Manuel Tilman, aprezenta ona pedidu ba Tribunal Rekursu (TR) hodi husu atu halo apresiasaun ba aktu Prezidente Repúblika Francisco Guterres Lu Olo, tanba konsidera PR Lu Olo viola Konstituisaun RDTL.
Hafoin aprezenta pedidu refere, liu oras balun nia laran, Bankada CNRT iha Parlamentu Nasionál husu “tulun” ba PR Lu Olo atu bele “fasilita” partidu boot rua, FRETILIN ho CNRT, hodi tuur hamutuk hakotuk impase politika.
Vise Prezidente Bankada CNRT, Patrocino dos Reis dehan, situasaun politika iha TL kontinua iha inserteza, tan ne’e PR Lu Olo presiza bolu partidu FRETILIN no CNRT hodi tuur hamutuk.
“Bankada CNRT husu ba Prezidente Repúblika atu bolu FRETILIN-CNRT tuur hamutuk hodi buka solusaun ba impasse politika," Patrocino iha sala bankada CNRT, Tersa (05/05).
VIDEO PUBLISIDADE APELU HUSI PM TAUR APLAUS BA FRONT LINE
Tuir nia, PR Lu Olo presiza haree alternativu refere, tanba mós partidus politikus sira Ia sensivél ba povu nia situasaun moris, situasaun ekonomia nasaun nian, no tanba esforsu sira hodi halo violasaun ba konstituisaun RDTL atu atinze objetivu poder hodi ignora tiha konfiansa povu nian ne’ebé deposita ba partidus polítikus iha Eleisaun Antesipada.
Patrocino deklara, Bankada CNRT fó nafatin apoiu ba Prezidente PN Arão Noé de Jesus da Costa Amaral atu hola kualker desizaun hodi fó susesu ba estadu emerjénsia.
"Bankada CNRT afirma apoiu tomak ba Prezidente PN atu hola desizaun saida de’it atu fó susesu ba implementasaun estadu emerjensia.”
Bankada CNRT, nia dehan, husu ba partidu FRETILIN no CNRT atu tau ba kotuk diferensa hanoin sira.
"Konfiansa maioria povu iha Eleisaun Antesipada fó ba AMP (Bankada CNRT ho 21 cadeiras) no partidu FRETILIN, tempu to’o ona atu halo tuir mandatu povu ne’ebé depozita nia votu barak liu ba partidu-rua ne’e. Ami husu atu partidu boot rua ne’e tau sira-nia diferensas iha kotuk hodi haree de'it interese povu nian," nia tenik.
Bankada CNRT mós husu ba PR Lu Olo atu hamriik hanesan xefe estadu, hamriik iha klaran hodi hamutuk ho partidu boo trua (FRETILIN no CNRT) atu buka solusaun ba impase polìtika.
PUBLISIDADE