KHUNTO Propoin ba PN Rai Fali Rihun $500 iha Kofre Estadu

Parlamentu Nasional Timor Leste Parlamentu Nasional Timor Leste Foto Geogle

Tempotimor (Dili)-Bankada Kmanek Haburas Unidade Nasionál Timor Oan (KHUNTO) propoin atu hatama fila fali osan rihun $500 ne’ebé aloka ba PN ba kofre estadu, ho razaun Prezidente PN Arão Noe paraliza tiha ona funsionamentu PN.

Osan rihun $500 ne’ebé aloka ba PN ho objetivu atu deputadu sira uza halo fiskalizasaun ba Corona Virus Deasses 2019 (Covid-19).

Deputadu Bankada KHUNTO, Luis Roberto hatete, to’o ohin loron osan rihun $500 ne’ebé aloka ba PN atu halo fiskalizasaun ba asuntu Covid-19 seidauk utuliza.

VIDEO PUBLISIDADE APELU HUSI PM TAUR APLAUS BA FRONT LINE


 

Nia hatutan, hela semana rua de’it periodu estadu emerjensia daruak remata ona, tan ne’e di’ak liu osan rihun $500 ne’e hatama hikas ba kofre estadu.

"Agora ne'e mós besik tama ona fulan klaran Maiu ninian, ne'ebé di'ak liu osan ida rihun $500 ba PN ne'e di'ak liu tau fila ba kofre estadu, tanba PN la halo nia serbisu,” dehan nia iha PN, Tersa (12/05).

Durante estadu emerjénsia, nia hatutan, deputadu sira uza de’it orsamentu duadesimu ba PN hodi halo fiskalizasaun.

"Ha'u hakarak deputadu sira hala'o ninia knaar mak bele uza karik osan (rihun $500) ne'e, mais durante ne'e mak abandona de'it no la halo serbisu, osan ne’e tenke fila ba kofre estadu.”

PUBLISIDADE

 

PUBLISIDADE

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.