"Aktu husi deputadu CNRT ba meza parlamentu, ne’e signifika sira la konsege debate ho argumentu, maibé sira so bele halo ho violénsia," dehan deputada Maria Angelina Lopes Sarmento iha plenária PN, Segunda (18/05).
VIDEO PUBLISIDADE APELU HUSI PM TAUR APLAUS BA FRONT LINE
Nia dehan, ho violénsia atu sira bele manan simpatia no Se iha razaun karik, tanba saida la mai tuur iha nia fatin hodi debate.
Deputada ne’e promete katak,bainhira deputadu sira husi CNRT invade nafatin meza, maka bankada tolu sei hola asaun sériu, uza polisia hodi hadau meza.
“Hakarak ka lakohi tenke husu intervensaun polísia nian, tanba ida ne'e illegal, ne'e ba okupa meza ne'ebé la'ós kualker deputadu bele sa'e ba tuur iha leten," dehan Angelina.
PUBLISIDADE
Hatan ba deklarasaun ne'e xefe bankada CNRT deputadu Duarte Nunes hateten, iha PN polísia labele manda.
"Iha ne'e polísia labele manda iha ne'e, iha PPN mak manda iha ne'e, Primeriu Ministru no kualker se de'it la manda iha ne'e, mais kuandu sira uza forsa militar mak mai ne'e situasaun seluk, ," dehan Duarte.
PUBLISIDADE