MSSI hahú prosesu pagamentu subsidiu ba uma-kain sira iha munisipiu 12 iha 9 Juñu 2020. Signifika, ohin, 18 Juñu 2020, prosesu pagamentu ne’e la’o ona durante loron sia (9). Tuir planu prosesu pagamentu ne’e rasik sei la’o iha loron 10 nia laran.

Primeiru Ministru Taur Matan Ruak informa, husi total uma-kain 298.119, governu konsege fahe ona subsidiu ba uma-kain hamutuk rihun 231.

"Kona-ba pagamentu sira ne'ebé halo dadaun ne'e buat hotu-hotu la'o di'ak to'o horseik lokraik (loron daualu) entre uma-ka'in rihun 298.119 ne'ebé ita selu ona uma-ka'in hamutuk rihun 231, ne'ebé iha loron hira mai tan ha"u hanoin hotu ona," dehan PM Taur ba jornalista sira iha Palásiu Prezidensiál Bairu-pite, Kinta (18/06).

Kona-ba uma-kain balun ne’ebé naran la tama lista pagamentu, Xefe Governu ne’e hatete, tanba ida ne’e foin ba dahuluk nune’e bele hadi’a.

"Ha'u hanoin ne'e prosesu ida ne'ebé foin prmeira vez mak ita halo, entaun iha problema sira ne'e, maibé ha'u espera katak depois prosesu ne'e hotu ita hadi'a fila fali sira ne'ebé reklamasaun no sira ne'ebé la loos ita tenke hadi'a," nia dehan.

Entretantu, orsamentu ne'ebé governu aloka ba pagamentu subsídiu hamutuk tokon $59.6.