"Orsamentu daudaun ne'e hein para halo pagamentu de'it ona ba kompromisu balun labele halo projetu foun, tanba ne'e projetu foun ne'e han tempu naruk", dehan Ministru Finansas, Fernando Hanjam, hafoin soru-mutu ho Primeiru Ministru, iha Palásiu Governu, Segunda (6/7).
Nia dehan, orsamentu ne'e lori ba iha kada ministériu depois sei lori fali mai iha Konsellu Ministru atu haree, nune'e orsamentu ne'e bele tun ka bele mós sa'e, tanba depende ba nesesidade ministériu ida-idak ninian maibé sei la aumenta tan item foun.
Osamentu ne'e ba saláriu vensimentu, bens servisu. Kapital menor hein orsamentu ne'e aprova maibé ida ne'e mos tempu badak liu atu halo prosesu aprovizionamentu tanba prosesu ne'e naruk uitoan. Ne'e duni, prienxe de'it obrigasaun ne'ebe atu halo pagamentu de'it ona labele halo projetu foun.
"Projetu foun ne'e hein ba iha tinan 2021 nian", dehan Fernando.
Tuir planu orsamentu ba tinan 2020 nian sei submete ba Parlamentu Nasionál iha loron 15 Setembru 2020. (*)