Xefe Governu Aprezenta Totál OJE 2020 Ba Xefe Estadu

Primeiru Ministru Taur Matan Ruak sorumutuk semanal ho PR Francisco Guterres Lu Olo iha Palasiu Prezidensial Dili (9/7) Primeiru Ministru Taur Matan Ruak sorumutuk semanal ho PR Francisco Guterres Lu Olo iha Palasiu Prezidensial Dili (9/7) Foto Midia PR

Tempotimor (Dili) - Primeiru Ministru (PM), Taur Matan Ruak, liuhusi enkontru semanál ho Prezidente Repúblika (PR), Francisco Guterres Lú Olo, aprezenta totál montante orsamentu ne'ebé prevé ba Orsamentu Jerál Estadu (OJE) tinan fiskál 2020 nian.


Iha enkontru semanál ne'e PM Taur afirma, OJE 2020 ne'ebé governu prevé hamutuk biliaun US$ 1.4.

"Mai informa ba Prezidente Repúblika kona-ba OJE 2020 nian ne'ebé ami define tiha ona, katak billiaun US$ 1.4," dehan nia, ihs Palásiu Prezidensiál, Bairru-Pité, Kinta (9/7).

Nia dehan, OJE 2020 nian ne'e ba fulan rua de'it, tanba fulan anteriór ne'e funsiona ho Dotasaun Orsamentu Temporáriu (DOT).

"Pratikamente OJE 2020 ne'e ba fulan rua nian de'it, liuliu fulan-Nvembru no Dezembru, agora ita servisu hela ho duadesimál, entaun to'o Setembru mak haruka ba Parlamentu Nasionál (PN) entaun iha loron 15 ka 20 para PN halo servisu, ne'ebé ita haree loloos ne'e orsamentu ne'e ba fulan rua," dehan PM Taur.

Entretantu, husi asuntu OJE 2020 nian, PM Taur mós relara ba Xefe Estadu kona-ba proseau pagamentu ba agregadu familiar sira iha Rejiaun Administrativa Espesiál Oekusse Ambeno (RAEOA) ne'ebé atije ona pursentu boot, espera iha loron 3 ka 4 hotu ona.

Alende ne'e, PM Taur mós informa ba Xefe Estadu katak situasaun rai-laran kontinua la'o hakmatek. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.