Timor-oan hirak ne’e fasilita husi Ministériu Agrikultura no Peska (MAP) hodi tuir programa ne’e durante tinan rua, hahú husi tinan 2019 to’o 2020.
Entretantu, hafoin hala’o formasaun iha ne’ebá, formadu na’in 72 ne’e ezije ba governu atu lori fila sira mai TL.
“Governu tenke responsabiliza planeamentu no hatene sira atu ba ne’ebé, i fila mai karik atu halo oinsa," dehan Assnami iha Parlamentu Nasional (PN), Tersa (22/9).
Ba kestaun ne’e, Ministra Negósiu Estranjeiru no Kooperasaun (MNEK) Adaljiza Magno, deklara ona iha plenaria PN katak, MNEK simu ona informasaun kona-bá formandu hirak ne’e nia preokupasaun.
Tanba ne’e, Governu sei esforsu atu bele lori fila Timor-oan hirak ne’e iha tempu badak.