"Ida ne'e hola parte istória timor nian ho rai boot Australia ho Nova Zelandia nian iha segunda Guerra Mundial", dehan Prezidente Repúblika, Francisco Guterres Lú Olo, bainhira partisipa Loron ANZAC, iha Kristu Rei, Kinta (25/4).
Xefe Estadu afirma, timoroan ne'ebé partisipa iha funu ne'e lubuk ida mak lakon nia-moris hodi defende aan no halo defeza ba rai boot rua ne'e.
"Ha'u bele hateten katak funu to'o tinan haat ka lima timoroan mate hamutuk 60.000 hanesan ne'e. Sira Australia ho Nova Zelandia hahú fila-fali loron ne'e hanesan eroi nian, hodi fó omenajem ba timoroan ne'ebé mate hamutuk ho sira paz no ba umanidade tomak", dehan PR Lú Olo.