Bainhira Xefe estadu to’o iha sidade Gleno, Ermera nadodon hodi simu ho forma kultura munisípiu Ermera nian liuhusi lia dadolin no formatura armada nian, ne’ebé Prezidente Autoriedade Munisípiu Ermera José Martinho dos Santos mak tara tais ba Prezidente Repúblika no reprezentante Veterana Maria Santina Tilman mak tara tais ba Espoza Prezidente Repúblika.
Iha vizita traballu ne'e PR Lú Olo ho espoza vizita uluk ba Monumentu Erois da Pátria rejiaun IV iha munisípiu Ermera hodi sunu lilin no tau ai-funan, depois presta omenajem ba eroi sira ne'ebé lakon sira-nia vida ba rai no povu Timor-Leste.
Alende ne'e, PR ho espoza vizita mós ba grupu komunitáriu, vizita Escola balun iha Gleno no Ermera, halo sosializasaun kona-ba moras kankru, vizita dormitóriu Bom Samaritano Lauala no Sentru Maternidade Gleno.
Entretantu membru governu ne'ebé partisipa iha vizita traballu PR Lú Olo no espoza nian ba munisípiu Ermera mak hanesan, Vise daruak Primeiru Ministru José Reis, Ministru Koordenadór ba Asuntu Ekonómiku (MKAE) Joaquim dos Santos, Ministru Petroleu no Minerais (MPM) Victor da Conceição, Ministru Asuntu Parlamentár no Komunikasaun Sosiál (MAPKOMS) Francisco Jerónimo, Ministru Administrasaun Estatál (MAE) Miguel Pereira de Carvalho, Ministru Asuntu Kombatentes Libertasaun Nasionál (MAKLN) Júlio Sarmento "Meta Mali", Ministru Edukasaun Juventude Desportu (MEJD) Armindo Maia, Ministru Turizmu Komérsiu no Indústria (MTKI) José
Lucas do Carmo da Silva, Sekretáriu Estadu Ambiente (SEA) Demétrio Amaral, Sekretáriu Estadu Juventude no Desportu (SEJD) Abrão Saldanha, Sekretáriu Estadu Kooperativa (SEKoop) Elizário Pereira, Sekretáriu Estadu
Arte no Kultura (SEAK) Teofilho Caldas, Sekretáriu Estadu Terras no Propriedades (SETP) Mário Ximenes inklui deputadu sira Parlamentu Nasionál (PN) husi bankada PD, Fretilin, Khunto no entidade sira seluk.(*)