Tuir observasaun www.tempotimor.com, arguidu JOF to’o iha Tribunál Distritál Dili (TDD) oras 11:24 ne'ebé akonpanã husi Polisia Nasional Timor Leste (PNTL) Servisu Investigasaun Kriminal (SIK) no dereitamente ba sela tribunal nian hodi hein prosesu julgamentu.

Enkuantu advogadu privadu Manuel Tilman ne'ebé defende JOF inklui familia no kolega arguidu nian to’o antes JOF to’o iha TDD.

Tuir oráriu prosesu desizaun husi juis sei hala’o liu husi julgamentu naktaka oras 11 : 30 otl iha TDD.

Antes ne'e, Polisia Nasional Timor Leste liuhusi SIK halo buska ba edifisiu ANC no uma privadu hodi detein JOF inklui rekolla informasaun, dadus seluk no prende kareta marka terios ida tanba deskonfia involve iha kazu internet ilegal, Kinta (26/11).

Nune'e, Ministériu Públiku (MP) akuza arguidu JOF ho krimi hat hanesan Admistrasaun danosa artigu 274, burla imformatika ne’ebé previstu no punidu iha artigu 268, Korupsaun pasiva artigu 292 no krimi fraude fiskál ne'ebé previstu iha artigu 314 ne'ebé husi krime hat refere hotuhotu previstu iha kódigu penal Timor Leste.

Entertantu, prosesu julgamentu prezide hosi juiza, Ercila da Costa, Ministéiru Públiku reprezenta hosi prokurador Matias Soares no arguidu sira hetan asisténsia legal hosi advogadu privadu Manuel Tilman. (*)

PUBLISIDADE