Ministru Francisco Jerónimo desidi entrega diretamente ba xefi suku Dato-tolu João Agustinho "Resik" ho xefi suku Lisadila Fernando Lobo iha Gabinete MAPKOMS, Palasiu Governu, Kuarta (9/12).

Ministru ne’e husu atu xefe suku sira tenke ezekuta didiak, no tau responsabilidade másimu ba Programa ne'e.

Ministru ne'e dehan, programa ne'e ninia importánsia maka buka meiu oinsa lori formasaun, lori atividade sira ne'ebé iha ba to'o suku, nune'e fasilita joven sira, asesu diak liutan.

"Ita hotu-hotu servisu ho responsabilidade saida mak ita halo, ita hatudu ba ema katak, ida ne'e mak ami halo no ida ne'ebé mak ami seidauk halo, buat ne'ebé ami fo ba ne'e, husu atu ita boot sira responsbiliza, maibé ha’u hanoin katak, diretór sira sei ba, teknikamente sira sei ba halo servisu fo formasaun ba alin sira iha suku ne’eba depois mak ita halo lansamentu," nia dehan.

Entretantu Xefe Suku Dato-tolu João Agustinho "Resik" deklara, Objetivu sorumutu ho MAPKOMS atu asina akordu kona-na implementasaun programa naroman ba suku.

Kona-ba programa ne'ebe MAPKOMS oferese ba suku dato tolu, autoridade ne'e garante katak tempu badak sira sei realiza ninia implementasaun hodi oferese ba populasaun sira iha suku.

Entretantu orsamentu ba programa naroman ba suku iha suku rua ne’e hamutuk $7.500.(*)