Proposta Lei Orsamentu Jeral Estadu (OJE) ba tinan 2021 ne'ebe durante hala'o diskusaun iha faze jeneralidade no espesialidade, pasa ona iha Parlamentu Nasional.

"Rezultadu votasaun afavor 44, kontra zero, apstensaun zero, nune'e proposta Lei Orsamentu Jeral Estadu ba 2021 aprovadu iha Parlamentu Nasional", informa Prezidente Parlamentu Nasional Aniceto Guteres Lopes hafoin votasaun ba OJE final global iha PN, Sabdu (12/12).

Aprovasaun ba proposta Lei Orsamentu Jeral Estadu (OJE) ba tinan 2021 iha Parlamentu Nasional, deputadu sira husi bankada CNRT la kohi marka prezensa, tanba konsidera inkonstitusional.

Nune'e, proposta lei Orsamentu Jeral Estadu ba tinan 2021 ne'ebe aprovadu ona iha Parlamentu Nasional, sei haruka ba Prezidente Republika atu hetan promulgasaun. (*)