PR Vizita Baukau Hahu Ho Omenajen ba Sahe no Wewe Iha Bukoli

By Tempo Timor December 16, 2020 1286

font size decrease font size increase font size
Print
Email

Tempotimor (Baukau)-Prezidente Repúblika (PR) Francisco Guterres Lú Olo hahu ohin hala'o vizita traballu ba munisípiu Baukau. Antes to'o iha Baukau, PR ho Komitiva hala'o uluk vizita no presta omenajem ba restu mortais saudosu Vicente Reis Sahe no nia espoza Wewe ne'ebé rai hela iha nia rezidénsia Bukoli.

Povu Bucoli simu Prezidente Repúblika (PR) Francisco Guterres Lú Olo no Espoza Prezidente Cidália Mouzinho ho lian dadoli no tara tais husi reprezentante familia no komunidade Bukoli.

Tuir observasaun www.tempotimor.com iha terenu nota katak, povu suku Bukoli hamutuk ho autoriedade lokál, lia-na'in no estudante ho antusiazmu simu ho aman ba estadu no espoza.

Alende ne'e, estudante sira mós aprezenta ba xefe estadu no espoza dansa tradisionál ho títulu "kuda tali" no múziku antigu ho títulu "20 de maiu".

Molok PR Lú Olo ho espoza husik hela povu Bukoli hodi kontinua ba ajenda ne'ebé planeia ona, xefe estadu ho espoza mós kafe dader hamutuk komunidade Bukoli.

Entretantu ajenda ne'ebé tuir mai, sei hala'o vizita ba edifísiu Administrativa Munisípiu Baukau, Eskola Sekundária Jerál númeru 01 Baucau, depois kontinua ba Eskola Jerál Kilik Uaigae no Ensinu Báziku Kaibada no ajenda seluk tan.(*)

Rate this item

(0 votes)

Last modified on Wednesday, 16 December 2020 12:06

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com