PR Lú Olo Sei Estuda OJE 2021 Durante Loron 30

By Tempo Timor December 16, 2020 2465

font size decrease font size increase font size
Print
Email

Prezidente Republika (PR) Francisco Guteres Lu-olo ho Espoza Prezidente Republika Cidália Mouzinho wainhira vizita Baukau, Kuarta (16/12) Foto Tempo Timor

Tempotimor (Dili)- Orsamentu Jerál Estadu (OJE) tinan 2021, Parlamentu Nasional (PN) haruka ona ba Prezidente Republika (PR) Francisco Guteres Lu-olo, no durante loron 30 sei halo estudu, molok veta ka promulga.

Vise-Prezidente Parlamentu Nasional, Luis Roberto informa, Orsamentu Jeral Estadu (OJE) tinan 2021 Parlamentu Nasional haruka ona ba Prezidente Republika.

"OJE 2021 Parlamentu aprova ona iha semana kotuk, ne'ebe hatun tiha ona ba Komisaun finansa publika, komisaun C halo relatoriu pareser no enkamina fali ba Prezidente Republika iha segunda (14/12) hodi halo promulgasaun", Luis Roberto hateten iha Parlamentu Nasional, Kuarta (16/12).

Nia dehan, bazeia ba Lei, loron 30 iha Prezidente Republika nia liman hodi haree no estuda.

"Promulga ou lae, Prezidente Republika mak haree ba kestaun ne'e", nia tenik.

Deputadu KHUNTO ne’e mós dehan, depende ba Prezidente Republika nia kompetensia atu promulga ho lais liu, diak liu tan, nune’e iha fulan janeiru 2021 bele tama ona iha ezekusaun. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com