Iha vizita ne'e, Komandante supremu Forcas Armandas ne'e ba F-FDTL primeiru batallaun iha Lanu-Baukau durante ne'e, atu atu haree besik liu kondisaun forcas sira nian.

Tuir ajenda ne'ebé www.tempotimor.com hetan katak, iha vizita ba 1 batallaun F-FDTL ne'e iha sekuénsia haat mak sei hala'o hanesan, komandante komponente terestre Baukau tenenti koronel infantária Renilde Guterres Corte-Real e Silva, guarda de onra husi forsa armada, aprezentasaun kondisaun forsa armada nian ba Prezidente Repúblika (PR) husi komandante komponente terestre Baukau, ne'ebé sei akompaña husi xefe kaza sivíl, xefe kaza militar no adjunto kampu.

Alende husi sekuénsia ne'e iha mós sekuénsia kona-ba vizita ba fatin instalasaun no asina livru de onra no ikus liu mak kuda ai-oan.

Entretantu observasaun www.tempotimor.com nota katak, molok PR Lú Olo ba asina livru de onra, Komandante kompañia komponente terestre Baukau Renilde Guterres Corte-Real e Silva tara tasi ba Komandante Supremu ba Forsa Armada, Francisco Guterres Lú Olo.

Alende asina livru de onra ne'e hotu, ba kedas iha salaun enkontru hodi PR rona situasaun forsa armada nian husi Komandante kompañia komponente terestre Baukau.(*)