Nune'e PN daudaun ne'e perpara ona oinsá atu resposta karta notifikasaun husi TR ne'ebé mak prepara husi Prezidente Parlamentu Nasionál (PPN), Deputadu Aniceto Longuinhos Guterres Lopes.

Prezidente Bankada FRETILIN informa lia hirak ne'e hafoin sorumutu ho Prezidente Repúblika (PR), Francisco Guterres "Lú Olo" iha Palásiu Prezidensiál Nicolau Lobato, Bairu-Pité, Dili, Segunda (18/01).

"Prezidente Parlamentu hetan ona notifikasaun husi Tribunal Rekursu no agora daudaun PPN prepara hela resposta ba notifikasaun ne'ebé Tribunal Rekursu hato'o," dehan Francisco Miranda Branco.

Branco esplika, Iha prosesu debate OJE 2021, públiku akompanã relatóriu husi komisaun iha plenária hanesan opiniaun Komisaun C ninian, tanba Komisaun A fo nia opiniaun ba Komisaun C ne'ebé lori relatóriu apresiasaun ba Orsamentu jeral estadu iha debate jerál.

"Ne'e simplesmente komisaun A iha-ne'e maibé ne'e opiniaun Komisaun ninian, maibé depois verifika iha komisaun C laiha inkonstitusionalidade ida," dehan Branco

Antes ne'e PN aprova OJE 2021 hamutuk $ biliaun $1.895 husi Governu no Prezidente Repúblika promulga ona.(*)