Tempotimor (Dili) - Bankada Partidu Frenti Revolusionáriu Timor-Leste Independente (Fretilin) garante ‘intendementu’ bankada governu iha Parlamentu Nasional (PN) metin nafatin to'o 2023.
Deklarasaun ne’e mosu tanba oras ne’e daudaun publiku hahu hamosu pergunta relasiona ho harmonizasaun bankada governu iha PN iha inisiu tinan 2021.
"Governu ne’e harmonia no sei metin liu tan to'o 2023," Prezidenti Bankada Fretilin, Francisco Miranda Branco hateten iha Palásiu Prezidensial Nicolao Lobato Bairu-pite Dili, Segunda (18/01).
Bankada Partidu governu iha PN kinta (V) lejislatura rasik kompostu husi Partidu Libertasaun Popular (PLP), KHUNTO no FRETILIN hamutuk deputadu nain 35.(*)