Maske demokrasia fó liberdade ba ema hotu maibé , nu’udar deputadu mós tenke kompriende, meza deklara la fó tempu ba deputadu CNRT tanba bazeia ba rejimentu.
Tanba, rejimentu mak orienta atu ajenda hotu tenke iha periudo antes orden do dia ne'e másimu oras rua de'it.
"Sé ita marka oras, priudo antes orden do dia ne'e, dehan másimu ne'e oras rua, entaun ha’u tenke limita tempu, bele deputadu iha diretu atu ko’alia maibé tempu to'o ona ne'e prontu hotu ona”, dehan nia.
Nu’udar Prezidente PN Anicento la tauk atu limita tempu intervensaun deputadu sira-nian tanba nia halo tuir rejimentu ne’ebé vigora.
“Ha’u la viola rejimentu, ne’ebé nia (Deputadu Vergilho) hakarak halo baruilu, istrundu, bele halo ba mais, ita dehan demokrasia ne'e sim demokrasia ne'e iha regras ema demokrasia bolu bahasa karik, demokrasia itu pake otak bukan pake otot”, hatete nia ba jornslista iha PN, tersa (09/03).
Plenáriu PN iha tersa (9) meza desidi ensera tanba deputadu CNRT la dun kompriende hodi halo instrundu no halo barailhu ho deputadu sira seluk.
Hatan ba kestaun ne'e deputadu bankada CNRT, Jose Vergilho hatete, nia parte espresa nia lamentasaun ne'e, tanba konsidera meza halo deskriminasaun ba diretu deputadu CNRT.(*)