Komandante PNTL-KMD, Superintendente Xefe, Henrique da Costa hatete, bainhira governu aprova rezulusaun númeru 12/2021 loron 8 fulan-marsu, PNTL-KMD ezekuta kedan iha loron rua liuba, sábadu (13/03) konsege kapturasaun sidadaun 309 mai husi feto 64, minoridade 12 no mane 233.
Maske sidadaun hirak ne’e KMD halo identifikasaun no laiha sansaun koema inklui fó livre hotu maibé kaptura tan hirak ne’e sei prosesa ba Ministériu Públiku (MP).
"La’e, ita so para halo prosesu identifikasaun de’it pois haruka sira fila, karik ita halo operasaun nafatin hetan sira, ita aprezenta ba Ministériu Públiku”, afirma Henrique iha ninia kna’ar fatin Kaikoli, segunda (15/03).
Dadaun ne'e PNTL ezekuta nafatin rezulusaun Serka sanitária hodi halo operasaun to’o loron 15 fulan-marsu tuku 23:59 OTL, no iha loron segunda (15/03) hein desizaun foun husi governu relasiona ho serka sanitária iha Munisípiu Dili.
Governu rasik fó-sai ona rezulusaun númeru 12/2021 hodi inplementa serka sanitária ba Munisípiu Dili, iha rezulusaun refere aprova mós atu limita movimentu sai hosi uma bainhira laiha nesesidade.
Antes ne'e, iha sidadaun sira ne'ebé nafatin movimentu maioria halo atividade ezersisiu iha fatin públiku mak rezulusaun númeru 12/2021 bandu, nune'e PNTL-KMD ezekuta hodi kaptura sidadaun sira no kontinua prosesa indentifikasaun tanba kontra regra refere.(*)