Tempotimor (Dili) - Embaixadór Estadus Unidus Amérika (EUA) informa ba mídia katak ninia nasaun mós dadaun ne'e buka hela eis padre Richard Dasbach atu investiga relasiona ba kazu ne’ebé interpol alega hasoru nia.

Embaixadór Amerika ne'e ho diploamtikamente dehan nia parte haruka ona karta ida ba governu Timor-Leste hodi husu estradisaun maibé sei hein prosesu justica be'ebe sei la'o hela iha Timor-Leste.

Embaixador EUA ba Timor-Leste, Charles Kevin Blackstone hatete, Amérika mós apoiu prosesu juridisaun Timor-Leste nian.

"Ha'u hakarak hatete ba ita-boot sira katak, kazu ne'ebé uza ba padre ne'e, kabe iha juridisaun Timor-Leste nian, ami apoiu no respeita prosesu ne'ebé agora dadaun la'o iha Timor-Leste”, dehan nia hafoin reuniaun ho Primeiru Ministru, Taur Matan Ruak iha palásiu governu, kinta (25/03).

Parte sira mós rekoñese kazu eis padre refere ninia interpol EUA nian mós haruka tiha ona notifikasaun mai, no ninia prosesu dadaun la'o hela.

"Ami mós hatene katak, notifikasaun ida husi interpol kona-ba kazu ida ne'e, ne'ebé ké envolve husi Estádus Unidus ninia sidadaun sira, entaun ami mós hatene kona-ba ida ne'e, no ida ne'e ninia prosesu la'o hela”, afirma nia

Nune'e, pergunta hotu ne'ebé ligadu ho kazu ne'e, komfirma iha judisiariu Timor-Leste nian.

"Entaun, individu ne'e agora iha hela prosesu julgamentu, kualker pergunta ne'ebé relasioana ho prosesual ne'e, ita-boot sira tenke dirije ba setór judisiáriu Timor-Leste nian”, dehan nia.

Eis Padre SVD ne'e, deskonfia envolve iha kazu abuzu seksual ba labarik minor idade, kazu pornografia infantil ne'e prosesu dadaun la'o hela iha Tribunal Oekusse inklui kazu money laundry ne'ebe hodi interpol buka hela eis padre ne'e. (*)