Orasio de Sousa nu’udar mós reprezenta grupu Saladeus hatete, setór justisa iha Timor-Leste dadaun ne'e haree liuba Politika,

Nune’e tenke haree ba justisa tamba justisa ba ema hotu labele justisa ba parte ema politika mak inportante liu, ba ema sira ne'ebé la’ós politika tau ba sorin.

"Ami-nia sentimentu ba Avo Nana ne'e laiha rohan e sukat mós difísil tebes tanba iha tempu Timor seidauk ukun-an nia oferese tomak nia vida ba rai ida ne'e, nune'e ami-nia prezensa iha ne'e fó solidariedade tomak ba Avo Xanana”, dehan Orasio de Sousa ba www.tempotimor.com iha jardim Kolmera Dili, segunda (29/03).

Tuir grupu Saladeus sente triste ho setór justisa iha Timor-Leste laiha justu ba parte hotu, liuliu kazu atual ne'ebé envolve Xanana Gusmão. Nune'e Saladeus hato’o messajen ba setór justisa iha Timor-Leste atu trata justisa ho justu ba ema hotu.

"Sente triste tamba na’in ulun sira iha parte justisa la justu la seriu hare kona-bá justisa ida ne'e, Hau hanoin labele kahor justisa ho politika”, dehan Orasio.

Grupu simpatijante ho naran Saladeus katak Maromak sempre leten, hanesan mós Xanana Gusmão iha Timor-Leste sempre iha leten tanba konsidera povu no nasaun Timor-Leste sei presiza Xanana.

“Xanana sempre iha leten, povu timor sei presija nia," hakotu Orasio.

Tuir observasaun www.tempitimor.com nota katak, prezensa grupu Saladeus iha MP relasiona ho prezensa Xanana Gusmão iha MP nune'e antes Xanana to’o, grupu ne'ebé hatais faru líder Xanana ne'e to’o ona hodi hein iha Jardin Kolmera Dili.

Entertantu, Prezidenti CNRT Xanana Gusmão rasik to’o iha MP iha oras 08:55 otl no remata presta deklarasaun iha MP 09:40 otl ne'ebé simu kedan ho viva husi grupu Saladeus antes Xanana husik hela MP.(*)