Tanba, situasaun natureza ne’ebé akontese durante loron sábadu ho domingu, iha kapitál nasaun, fó impaktu maka’as ba komunidade kuaze rihun 4 resin mak hetan inundasaun, inklui bee estraga sira-nia sasán, hahán bázika, nomós hamate ema kuaze na’in 11.

"Ha’u husu ba governu, ha’u husu ba nai’n ulun sira, pelu menus ba haree uluk vítima hirak ne'e, sira-nia bikan, fós no hahán seluk”, rekomenda nia iha Parlamentu Nasionál, segunda (05/04).

Hafoin governu deside estende tan serka sanitária ba iha Munisípiu Vikeke no Baukau, inklui Kapitál nasaun, povu barak mak hahu halerik ai-han.

Pior liu tan, ho situasaun natureza ida agora, ejize tebes governu atu halo intervensaun lalais, tanba dadaun povu sofre hela situasaun ai-han.

Rekomenda mós ba governu atu tau matan ba populasaun hirak ne’ebé lakon vida durante akontesimentu natureza iha loron sábadu no domingu.

Deputadu bankada CNRT, Jose Vergilho mós propoin ba governu atubele apoiu no defende povu iha situasaun dezastre naturál.

Ho situasaun natureza ne’ebé iha, governante sira, tenke brani tun direta atubele haree realidade iha terenu no labele halo politika iha fatin de'it. (*)