Ministra Saúde (MS), Odete Maria Freitas Belo hatete, husi totál tokon US$34 nu’udar ejizensia husi Ministeriu nian hodi hatan ba situasaun kalamidade Covid-19.
"Ami propoin 34 milhões de dolares, ida ne'e ba haree de'it asuntu covid nian, inklui mós vasina. Sim planu ne'ebe mak ami halo, prontu ida ne'e atu to'o ka la to'o ita iha hanesan jestor ita tenke jere rekursu ne’ebé mak planea ona para atubele hatan nesesidade liuliu covid”, dehan nia hafoin remata audensia públiku ho Komisaun F iha PN, tersa (13/04).
Maibé, kona-ba Vasina ne'e iha ona planu, atu preve tokon US$13, no sira seluk ne'e hatan ba fatin izolamentu balun ne'ebe mak la konsege halo tanba orsamentu la preve iha 2020.
“Entaun koloka mai iha orsamentu retifikativu ida ne'e, aleinde mós orsamentu ba hahán ema sira iha izolamentu no kuarentina, no selu ema nia akomodasun sira”, dehan nia. (*)
