"Primeiru, ita laiha akordu estradisaun. Segundu, ita-nia advogadu sira ne'e labele ba iha ne'ebá. Tanba ne'e, provavelmente ha'u mós fó konsellu Prezidente Repúblika atu bolu ita-nia Prokuradór Jerál Repúblika para hatene saida mak ita bele halo", tenik Primeiru Ministru, Taur Matan Ruak, iha Palásiu Prezidensial, Bairru-Pité, Kinta (14/6).
Xefe Governu mós simu ona karta husi advogadu Timoroan sira balun ne'e preokupa ba kazu ne'e. Nune'e, sira fó hanoin ba Governu liuhusi manda karta ba Primeiru Ministru.
"Ha'u ohin dader mak foin simu karta husi advogadu timoroan sira nian hatete katak advogadu sira iha ne'ebá 'Indonesia' bele soke nia implikasaun ne'e oinsa no tuir lei ne'e saida ita tenke halo. Ne'ebé ne'e kestaun hotu sei deskute", dehan Matan Ruak.