Tanba atu refere la mostra profisionalizmu ekipa liña frente husi SIJK no étika profesionalizmu seguransa no defeza nu'udar servidor estadu.
Portavoz FMTL, Francelina Piedade hatete, atu ne'ebé komete husi PNTL hasoru pasiénte covid-19 no sidadaun sira iha kuarentena ne'e la kumpri dekretu lei nu.44/2020 de 7 de outobru, kona-ba regulamentu disiplinar PNTL iha artigu 8 deveres espesifiku no artigo 11 deveres profesionalismu.
Aktu ne'ebé komete husi PNTL no F-FDTL ne'e konsidera nu'udar krime ne'ebé hatuur iha kódigu prosesu penal,artigu 145 ofensa ba integridade fizika simples.
"FMTL konsidera atu hirak ne'e la mostra profisionalizmu ekipa liña frente husi SIJK, seguransa no defeza nu'udar servidor estadu, tanba iha evidensia (video recording) ne'ebé ema espalla iha mídia sosial no ida ne'e sei hamonu no halakon konfiansa povu ba PNTL no FFDTL”, dehan Francelina Piedade iha Kampus UNTL, Kaikoli, kuarta,(21/04).
Tanba ne’e, SIJK tenke toma medida ba atu ne'ebé komete husi ajente PNTL no Menbru FFDTL sira ne'e ho lei ne'ebé relevante ekipa front line atu garante nafatin prinsipiu direitu umanu. (*)