Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, informa ba jornalista ho públiku tomak katak laiha diferensa entre aplikasaun medida saúde públika hodi prevene no mitiga surtu COvid -19 entre Dili, ho Munisípiu sira seluk & RAEOA.
Tanba, ema ruma sai husi Dili ba Munisípiu seluk ho RAEOA, maske lori ona rezultadu teste PCR, tamba Dili ninia númeru kazu aumenta maka’as iha fulan 2 ikus.
“Autoridade saúde sira iha Munisípiu sira seluk no RAEOA, nafatin bele husu atu kuarentena no repete test PCR, wainhira sira avalia katak ema ne’ebé halo viajen ne’e, tama iha kategória risku atu hada’et tutan moras ba populasaun iha fatin ne’eba”, dehan Rui liuhusi Zoom Conference, segunda (26/04).
Medida hirak ne’e autoridade saúde sira foti atu PREVENE virus SARS-CoV-2 la hada’et tutan maka’as liután iha Munisípiu sira no RAEOA.
Tuir klassifikasaun transmissaun organizasaun mundial saúde (OMS) nian, sei nafatin kazu esporádiku, ka kazu iha cluster. (*)