"Ohin konsellu ministru mós aprova serka sanitária ba munisipiu Bobonaru, Vikeké, Dili, Covalima, Baukau. Munisípiu hirak ne'e, sei impõem serka sanitária tanba númeru ne'ebé kauza infesaun aas iha Munisípiu hirak ne'e", dehan Ministru Prezidénsia Konsellu Ministru (MPKM), Fidelis Leite Magahlăes hafoin reuniaun KM iha Ai-tarak Laran, kuarta (26/05).
Aplikasaun serka sanitaria ne’ebé sei kontinua iha loron 1 fulan-juñu tinan 2021, hahú iha tuku 23:59, oras Timor-Leste (otl), ba munisipiu Kovalima, Baukau no Dili.
Maibé ba Munisípiu Bobonaro no Vikeke durante loron hitu nia laran, hahu husi loron aban (27/05/2021).
"Impõem serka sanitária iha Munisípiu sira Bobonaru no Vikeké entre tuku 00:00, loron 27 fulan-maiu tinan 2021 no to'o tuku 23:59, loron 1 fulan-juñu tinan 2021", nia informa.
Aleinde ne’e, mantein impozisaun konfinamentu obrigatóriu iha Munisípiu Dili, iha loron 1 fulan-juñu 2021, sura husi tuku 23:59 kalan. (*)